Sai Kumar : 72 ఏళ్ల వయస్సులో అంత పైనుంచి దూకారు… డెడికేషన్ ఎన్టీఆర్ ని చూసి నేర్చుకున్నా : సాయికుమార్

Sai Kumar : తాజాగా డైలాగ్ కింగ్ సాయికుమార్ కీలక పాత్ర పోషించిన చిత్రం గంధర్వ. సెన్సార్ పూర్థి చేసుకొని జూలై 8న ఈ సినిమా ప్రేక్షకులకు ముందుకు రాబోతుంది. ఫ‌న్నీ ఫాక్స్ ఎంట‌ర్‌టైన్‌మెంట్ బేన‌ర్ పై యఎస్‌.కె. ఫిలిమ్స్ సురేష్ కొండేటి స‌హ‌కారంతో యాక్ష‌న్ గ్రూప్ స‌మ‌ర్పనలో సుబాని ఈ చిత్రన్ని నిర్మిస్తున్నారు. అప్స‌ర్ ఈ సినిమాతో ద‌ర్శ‌కుడిగా ప‌రిచ‌యం అవుతున్నాడు. ఈ సినిమా విడుదల దగ్గర ఉండటంతో మీడియా సమావేశంలో పాల్గొన్న సాయికుమార్ పలు ఆసక్తికర విషయాలు చెప్పారు.

మనసుకు నచ్చినట్టుగా చేస్తూ పోతే తప్పకుండా హిట్…

మీడియా సమావేశంలో పాల్గొన్న సాయికుమార్, గంధర్వ సినిమా కథ చెప్పగానే మీరెలా ఫీల్ అవుతున్నారు అన్న ప్రశ్నకు ఇలా సమాధానం చెప్పారు.. ఇంతకు ముందు కూడా కొత్త కథలు కొత్త దర్శకులతో చేశాను, అప్సర్ కి దర్శకుడిగా కొత్త సినిమా, అయినా నేను కథను నమ్మాను. చనిపోయాడు అనుకున్న నాన్న తిరిగి వస్తే ఎలా ఉంటుంది అన్న దాన్ని అప్సర్ చాలా చక్కగా చూపించాడు. అండ‌ర్ ప్లే, డ్రామా.. ఇలా చాలా క్యారెక్టర్లు నేను చేశాను. అలాంటి కోవకు చెందిన ప్ర‌య‌త్న‌మే గంధ‌ర్వ సినిమాలోని నా పాత్ర, అని చెప్పుకొచ్చారు.

ఈ జనరేషన్ హీరోలతో కలసి నటించడం ఎలా వుంటుంది అన్న ప్రశ్నకు.. ఈ సినిమాల్లో సందీప్ తో కలసి నటించాను, తాను చేసిన గత సినిమాలని చూసాను. అంతేకాకుండా స‌త్య‌దేవ్, ప్రియ‌ద‌ర్శితో కూడా ఈ సినిమాలో చేస్తున్నా. వారి నటనకు అనుగుణంగా నన్ను నేను అప్డేట్ చేసుకొని చేస్తున్నా అని చెప్పారు.

మేజర్ చంద్రకాంత్ సినిమా సమయంలో ఎన్టీఆర్ ని చూసి నేర్చుకున్నా…

ఇన్నేళ్ల నా సినీ ప్రస్థానంలో చాలా రకాల పాత్రలు చేసాను. నాటకాలు వేసే సమయం నుండి ఇప్పటి వరకు 50 ఏళ్ళు సినీ ప్రస్థానం నాది. అయినా కూడా నటుడుగా సంతృప్తి లేదు, ఇంకా ఎదో చేయాలని అనిపిస్తుంది. మేజర్ చంద్రకాంత్ సినిమా సమయంలో ఎన్టీఆర్ గారి వయసు 72 సంవత్సరాలు, పైనుంచి కిందకు దుకాల్సిన సీన్ లో డూప్ లేకుండా చేశారు. నటుడుగా డెడికేషన్ ఎలావుండాలో ఆయనను చూసే నేర్చుకున్నాను అని చెప్పుకొచ్చారు. ప్రస్తుతం తమిళ్ లో ‘డీజిల్‌’ సినిమా, అందులో డీజిల్ మాఫియా లీడ‌ర్‌గా చేస్తున్నారు సాయికుమార్. ఇది కాకుండా ఓ వెబ్ సీరీస్ కూడా చేయబోతున్నారు.