బిగ్ బీ పై సల్మాన్ ఖాన్ తండ్రి సంచలన కామెంట్స్.. ఆ పని చేయండి అంటూ..

అమితాబ్ బచ్చన్ పేరు తెలియని భారతీయుడు ఉండరు. బాలీవుడ్ లో ఓ ట్రెండ్ సెట్ చేసిన అమితాబ్ బచ్చన్ ఎన్నో సినిమాలల్లో నటించాడు. అమితాబచ్చన్‌తో భారతీయుల అనుబంధం ఈనాటిది కాదు. 1969లో ‘సాత్ హిందుస్థానీ’ తో మొదలైన ఆయన నట ప్రస్థానం ‘థగ్స్ ఆఫ్ హిందూస్థాన్’ వరకు కొనసాగుతూనే ఉంది.

ఇటీవల అతడు 79వ పుట్టిన రోజు జరుపుకున్నారు. ఈ సందర్భంగా అతడికి పలువురు పుట్టినరోజు శుభాకాంక్షలు తెలిపారు. అందులో సినీ ప్రముఖులు, రాజకీయ నాయకులు కూడా ఉన్నారు. ఇక అతడి అభిమానులు అయితే సోషల్ మీడియాలో రెచ్చిపోయారు. యాష్ అబితాబ్ బచ్చన్ బర్త్ డేతో ట్రెండింగ్ లో దూసుకుపోయింది.

ఇంత వయస్సులో కూడా అతడు ఎన్నో కంపెనీలకు బ్రాండ్ అంబాసిడర్ గా వ్యవహరిస్తున్నారు. అందుకే అబితాబ్ బచ్చన్ ప్రతీ ఒక్కరికీ ఆదర్శంగా నిలుస్తారు. ఈ నేపథ్యంలో అబితాబ్ కు కొంతమంది ఫోన్ చేసి కూడా బర్త్ డే విష్ చేశారు. ఇదిలా ఉండగా.. సల్మాన్ ఖాన్ తండ్రి.. ప్రముఖ రచయిత సలీం ఖాన్ కూడా అతడిని పుట్టినరోజు శుభాకాంక్షలు తెలియజేశాడు.

దాంతో పాటు అబితాబ్ బచ్చన్ ను .. అతడి జీవితంలో కొత్త ఇన్నింగ్స్ లో మంచి జరగాలని.. సినిమాలకు రిటైర్ మెంట్ తీసుకోవాలని ఆయన కోరాడు. తన వయస్సును దృష్టిలో ఉంచుకొని రెస్ట్ తీసుకుంటే మంచిదనే ఉద్దేశ్యంలో అతడు ఈ వ్యాఖ్యలు చేశాడు. అమితాబ్ బచ్చన్ ఇప్పుడు పదవీ విరమణ చేయాలి అని సూచించారు. అతడు ఎన్నో సాధించాడని.. వ్యక్తిగతంగా కూడా అతడు కొన్ని సంవత్సరాలు గడపాలని.. వృత్తిపరంగా అతడు విజయం సాధించాడని.. ఇక పదవీ విరమణ బిగ్ బీకి ఎంతో అవసరం అంటూ చెప్పుకొచ్చాడు. ఈ వ్యాఖ్యలు బాలీవుడ్ లో తీవ్ర చర్చనీయాంశంగా మారాయి.