Samantha: ఒంటరితనం మరింత బలాన్ని ఇస్తుంది.. మోటివేషనల్ పోస్ట్ షేర్ చేసిన సమంత..?

Samantha: ఏ మాయ చేసావే సినిమా ద్వారా తెలుగు ప్రేక్షకుల ముందుకి వచ్చి అందరిని తన మాటలతో నటనతో మాయ చేసిన సమంత సౌత్ ఇండస్ట్రీలో స్టార్ హీరోయిన్గా గుర్తింపు పొందిన సంగతి అందరికీ తెలిసిందే . ఇటీవల శాకుంతలం సినిమాతో ప్రేక్షకుల ముందుకి వచ్చిన సమంత ఊహించని విధంగా డిజాస్టర్ ఎదుర్కొంది. సమంత కెరీర్ లోనే ఈ సినిమా బిగ్గెస్ట్ డిజాస్టర్ గా చెప్పవచ్చు.

ఇక ఆ సినిమా తర్వాత ప్రస్తుతం శివ నిర్వాణ దర్శకత్వంలో రూపొందుతున్న ఖుషి సినిమాలో విజయ్ దేవరకొండ సరసన నటిస్తోంది. ఈ సినిమా జూన్ 16వ తేదీన విడుదల చేయటానికి సన్నాహాలు చేస్తున్నారు.
ఇక తాజాగా ఈ సినిమా నుండి విడుదలైన సమంత ఫస్ట్ లుక్ పోస్టర్ ప్రేక్షకులను బాగా ఆకట్టుకుంది. అలాగే ఈ సినిమా నుండి విడుదలైన పాట కూడా ట్రెండింగ్ లో ఉంది. ఇదిలా ఉండగా సోషల్ మీడియాలో ఎప్పుడూ యాక్టివ్ గా ఉండే సమంత తన సినిమా విశేషాలతో పాటు వ్యక్తిగత విషయాలను కూడా అభిమానులతో పంచుకుంటూ ఉంటుంది.

నాగచైతన్యతో విడిపోయిన సమయంలో, అలాగే ఇటీవల మయోసైటిస్ వ్యాధితో బాధపడిన సమయంలో కూడా సమంత చాలా ఒంటరితనం అనుభవించింది. ఇక తాజాగా ఒంటరితనం గురించి సమంత సోషల్ మీడియాలో షేర్ చేసిన ఒక పోస్ట్ వైరల్ గా మారింది.
తాజాగా సమంత ఖుషి సినిమాలోని తన లుక్ షేర్ చేస్తూ…. “నిశ్శబ్దంగా ఉండడం, ఒంటరి జీవితాన్ని అనుభవించడం వల్ల మీరు జీవితంలో మరింత శక్తివంతంగా మారతారు. చిన్న చిన్న బాధలు మిమ్మల్ని ఏమి చేయలేవు”.. అంటూ ఓ మోటివేషనల్ కోట్ షేర్ చేసింది.

Samantha: చిన్న చిన్న బాధలు ఏమి చేయలేవు..

ప్రస్తుతం సమంత షేర్ చేసిన ఈ పోస్ట్ సోషల్ మీడియాలో వైరల్ అవుతుంది. ఈ క్రమంలో నెటిజన్స్ కూడా వివిధ రకాలుగా స్పందిస్తున్నారు. గతంలో కూడా శాకుంతలం సినిమా డిజాస్టర్ టాక్ సొంతం చేసుకున్న సమయంలో కూడా ” కర్మ ఫలితం అనుభవించక తప్పదు” అంటూ సమంత ఒక కోట్ షేర్ చేసింది. ఇలా సమంత తరచూ మోటివేషనల్ కోట్స్ షేర్ చేస్తూ ఉంటుంది. ప్రస్తుతం సమంత చేసిన ఈ పోస్ట్ వైరల్ అవుతుంది.