Sanjana Galrani : అక్క కాన్పు.. చెల్లి పెళ్లి, ఒకే రోజు రెండు శుభవార్తలు.. పండంటి మగబిడ్డకు జన్మనిచ్చిన సంజన..!

Sanjana Galrani : నిక్కీ గిర్లాని, తమిళ నటుడు ఆది పినిశెట్టి వివాహం చాలా గ్రాండ్ గా జరిగింది. తెలుగులో కూడా విలన్ గా మంచి గుర్తింపు తెచ్చుకున్న ఆది పినిశెట్టి, నిక్కీ లు ప్రేమించుకుని పెద్దలను ఒప్పించుకుని పెళ్లి చేసుకున్నారు. ఇక వీరి వివాహం చెన్నైలో అతి తక్కువ మంది బంధు మిత్రుల సమక్షంలో జరిగింది. తెలుగు హీరోలు నాని, సందీప్ కిషన్ లు వివాహానికి హాజరయ్యారు. ఇక నిక్కీ గిర్లాని అక్క సంజన కూడా హీరోయిన్ అని అందరికి తెలిసిందే.

మగబిడ్డకు జన్మనిచ్చిన సంజన….

తెలుగులో పూరీ జగన్నాథ్ దర్శకత్వంలో వచ్చిన బుజ్జిగాడు సినిమాలో హీరోయిన్ చెల్లిగా నటించింది. ఇక ఆ తరువాత సత్యమేవ జయతే, సర్దార్ గబ్బర్ సింగ్ వంటి సినిమాల్లో నటించిన ఈ అమ్మడికి అంతగా గుర్తింపు రాలేదు. కన్నడలోనూ పలు చిత్రాల్లో నటించిన సరైన హిట్స్ లేవు. ఇక డ్రగ్స్ కేసులో ఇరుక్కోవడం సంజన కెరీర్ ను మరింత డౌన్ కి తీసుకెళ్ళింది. మూడు నెలలు జైలు జీవితం గడిపిన ఈ బిగ్ బాస్ మాజీ కంటెస్టెంట్ బయటకు వచ్చాక ప్రేమించిన వ్యక్తిని పెళ్లి చేసుకుంది.

అజీజ్ భాష అనే వ్యక్తిని రహస్యంగా పెళ్లి చేసుకున్న సంజన, అతని కోరిక మేరకు ఇస్లాం మతాన్ని స్వీకరించింది. ఇక గర్భవతిగా ఉన్న సంజన ఇటీవలే సీమంతం కూడా చేసుకుంది. కాగా తాజాగా మగబిడ్డకు జన్మనిచ్చింది. ఈ విషయాన్ని ఇంస్టాగ్రామ్ ద్వారా షేర్ చేసుకుంది. ఓవైపు అక్క బిడ్డకు జన్మ నివ్వడం, మరో వైపు చెల్లెలు పెళ్లి చేసుకోవడంతో అభిమానులకు డబల్ ట్రీట్ అయింది. పలువురు ఇద్దరికి శుభాకాంక్షలు చెబుతున్నారు.