Savithri Daughter Chamundeswari : మహానటి సినిమా వల్ల మా ఇంట్లో గొడవలు జరిగాయి… రేఖ అక్క ఫోను చేసి ఏమందంటే…: విజయ చాముండేశ్వరి

Savithri Daughter Chamundeswari : అలనాటి తార సావిత్రి గారు సినిమాల్లోకి వచ్చిన కొద్ది కాలానికే అగ్ర హీరోయిన్ గా ఎదిగి ఇప్పటికీ ఎంతోమందికి నటనలో బెంచ్ మార్క్ సెట్ చేసిన మహానటి. ఆమె వెండి తెర మీద ఒక వెలుగు వెలిగిన నిజ జీవితంలో మాత్రం ఓడిపోయింది. భర్త, నమ్మిన వారు మోసం చేయడం వల్ల ఆర్థికంగానూ, మానసికంగానూ క్రుంగిపోయి మరణించారు. ఆమె జీవితకథను ‘మహానటి’ సినిమాగా తీసి ఆ మహనటి గురించి ఈ తరం వారికి తెలియజేసారు. ఇక సావిత్రి గారి కూతురు విజయ చముండేశ్వరి గారు, ఆమె భర్త గోవిందరావు గారు తన ఇంట్లో భద్రపరుచుకున్న సావిత్రి గారి జ్ఞాపకాలను పంచుకున్నారు.

మహానటి సినిమా వల్ల ఇంట్లో గొడవలు జరిగాయి…

సావిత్రి గారి జీవితం గురించి వచ్చిన మహానటి సినిమా జనాలకు బాగా నచ్చింది. అందరూ సావిత్రమ్మ జీవితంలో జరిగిన మోసాలు, విషాదాల గురించి సినిమాలో చాలా చక్కగా చూపించారు. ఇక సావిత్రి గారి ఇంట్లో మాత్రం మహానటి సినిమా వల్ల బాగా గొడవలు జరిగాయి అంటూ కూతరు విజయ చాముండేశ్వరి గారు తెలిపారు. మొదటి భార్య పిల్లలు సినిమా సరిగా చూపించలేదని సోషల్ మీడియాలో వస్తున్న కామెంట్స్ ను బట్టి నువ్వెలా సినిమాకు ఓకే చెప్పావ్ అని అడిగారట.

అయితే చాముండేశ్వరి గారు కథ చెప్పినపుడు అలానే సినిమాలోనూ నాన్నను చెడ్డగా చూపించలేదని వివరించి చెప్పారట. నిజానికి తెలుగు ప్రజలకు ఆల్రెడీ నాన్న జెమిని గణేషణ్ గారంటే చెడు అభిప్రాయం ముందు నుండి ఉందంటూ చెప్పారట. సోషల్ మీడియాలో వచ్చే నెగెటివ్ కామెంట్స్ పట్టించుకోకండి అని చెప్పారట చాముండేశ్వరి. ఇక బాలీవుడ్ సీనియర్ హీరోయిన్ రేఖ ఫోను చేసి జీవిత కథను సినిమాగా తీసినపుడు నిజంగా జరిగినదే చెప్పరు, డైరెక్టర్లు కొంత కల్పితం ఉంటుంది నేను అర్థం చేసుకోగలను, అక్క వాళ్ళు అర్థం చేసుకోడానికి టైం పడుతుంది కొంచెం సమయం వాళ్లకు ఇస్తే సరిపోతుంది అని చెప్పారట రేఖ.