Senior Actor Kavitha : మహేష్ అక్క పెళ్లి టైములో విజయనిర్మల మా ఇంటికి వచ్చి అన్న మాటలు ఇంకా మర్చిపోలేను..: సీనియర్ నటి కవిత

Senior Actor Kavitha : చైల్డ్ ఆర్టిస్ట్ గా మొదలుపెట్టి తమిళం, కన్నడ, మలయాళం, తెలుగు ఇలా అన్ని భాషలలోనూ హీరోయిన్ గా చేసిన కవిత గారు తెలుగులోనూ హీరోయిన్ గా ఎన్నో సినిమాల్లో నటించి గుర్తింపు తెచ్చుకున్నారు. ఇక క్యారెక్టర్ ఆర్టిస్ట్ గానూ చాలా సినిమాల్లో నటించిన ఆమె అటు రాజకీయాల్లో ఉంటూనే నటి గా సీరియల్స్ లోనూ కనిపిస్తూ నటనను కంటిన్యూ చేస్తున్నారు. ఇక అప్పటి ఇండస్ట్రీ ముచ్చట్లు, గొడవల గురించి తాజాగా ఇంటర్వ్యూలో పంచుకున్నారు.

విజయ నిర్మల గారు మా ఇంటికి వచ్చి అలా మాట్లాడారు…

ఇటీవల కాలంలో కృష్ణం రాజు గారు, కృష్ణ గారు వెనువెంటనే మరణించడం చాలా బాధించింది అంటూ కవిత గారు ఎమోషనల్ అయ్యారు. వారితో ఉన్న అనుబంధం గురించి మాట్లాడితే కృష్ణ గారు చాలా ఆప్యాయంగా మాట్లాడిస్తారంటూ తెలిపారు. తన సినిమా ఏదైనా హిట్ ఫ్లాప్ అనే విషయం ఆయన సూటిగా చెప్పేస్తారు. తన సినిమాలైనా అంతే సూటిగా ఫ్లాప్ అయితే ఫ్లాప్ అని చెప్పేస్తారు. ఇక విజయనిర్మల గారు చాలా బాగా మాట్లాడిస్తారు అంటూ వారితో ఉన్న అనుబంధం తెలిపారు.

కృష్ణ గారు కూతురు మహేష్ బాబు వాళ్ళ అక్క పెళ్ళికి పిలవడానికి విజయనిర్మల గారు మా ఇంటికి వచ్చి చెన్నై లో ఉండి ఉంటే ఫోన్ చేసేదాన్ని కానీ హైదరాబాద్ లో ఉన్నావు అందుకే ఇంటికి వచ్చి మరీ పిలుస్తున్నాను అమ్మాయి పెళ్ళికి రా అంటూ పిలిచారట. ఆ రోజున మన విజయనిర్మల నన్ను పిలిచారు అనిపించింది. కానీ ఈ రోజున అనుకుంటే పాత వాళ్లకు మన అనే ఆప్యాయత ఎక్కువగా ఉంటుంది గుర్తు పెట్టుకుంటారు, ఇప్పుడు అలా ఉండదు ఎవరికి వారే అన్నట్లు ఉంటున్నారు అంటూ ఎమోషనల్ అయ్యారు కవిత.