Senior Comedian Pakiza : తిండి లేక ఏడ్చా… రోడ్ల మీద తిరిగా… చిరంజీవి గారి వల్లే బ్రతికాను… సినిమాల్లోనూ జబర్దస్త్ లోనూ అవకాశాలు వస్తున్నాయి…: సీనియర్ కమెడియన్ పాకీజా

Senior Comedian Pakiza : తమిళ నటి వాసుకి అంటే ఎవరూ గుర్తు పట్టకపోవచ్చు కానీ తెలుగులో పాకీజా అంటే మాత్రం అందరూ గుర్తు పడతారు. బ్రహ్మానందం, పాకీజా కామెడి 90 దశకంలో వచ్చిన ఎన్నో సినిమాలలో సూపర్ హిట్ అయింది. తెలుగులో దాదాపు 100 కి పైగా సినిమాల్లో నటించిన పాకీజా సినిమా అవకాశాలు తగ్గాక తెలుగు తెరకు దూరమైంది, దాదాపు కనిపించలేదు. అయితే చాలా కాలం తరువాత చెన్నైలో తెలుగు మీడియా ప్రతినిధికి కనిపించింది పాకీజా. ప్రస్తుతం ఆమె ఆర్థిక ఇబ్బందులతో తిండి గడవడం కూడా కష్టంగా మారి ఇబ్బందులు పడుతు ఒక యూట్యూబ్ ఛానెల్ వ్యక్తి కంట పడింది. ఇక తన కష్టాలను కన్నీళ్లను చూసిన తెలుగు సినిమా ఇండస్ట్రీ ఆమెను ఆదుకుంది.

చిరంజీవి వల్లే ఈరోజు బ్రతికాను…

పాకిజా ప్రస్తుతం హైదరాబాద్ లో సినిమాలలో నటిస్తూ మరియు జబర్దస్త్ వంటి కామెడీ షోస్ లో చేస్తూ బిజీగా మారారు. ఒక్క పూట గడవక ఇబ్బంది పడుతున్న సమయంలో తమిళ ఫిల్మ్ ఇండస్ట్రీని సహాయం చేయమని అడిగినా ఎవరూ చేయలేదని, అయితే యూట్యూబ్ ఛానెల్ ద్వారా నా పరిస్థితి తెలిసీ తెలుగు ఇండస్ట్రీ ఆదుకుందని ముఖ్యంగా మెగా ఫ్యామిలీ ఆదుకుందని చెప్పారు. చిరంజీవి గారు లక్ష రూపాయలు డబ్బు పంపారని అలాగే నాగబాబు, పవన్ కళ్యాణ్ కూడా స్పందించి సహాయం చేసారు, సినిమాల్లో అవకాశాలు ఇప్పించారని చెప్పారు.

ఇక మోహనబాబు గారికి మెసెజ్ చేస్తే ఆయన స్పందించి ఇండియాలో లేను వచ్చాక మనం కలిసి మాట్లాడుదాం అని చెప్పారంటూ పాకిజా ఇటీవల ఒక ఇంటర్వ్యూలో పంచుకున్నారు. ఇక తనకు మొదటి నుండి ఫ్రెండ్ గా ఉన్న జయలలిత కూడా సహాయం చేసినదంటూ చెప్పారు. ప్రస్తుతం హైదరాబాద్ లోనే ఉంటున్నట్లు తెలిపారు.