Senior Journalist Imandhi Ramarao : ఆదుర్థి సుబ్బారావు, ఆత్రేయ తేనెమనసులు సినిమా హీరోయిన్ సుకన్య ప్రేమలో పడి జీవితాలు ఎలా నాశనం చేసుకున్నారు..?? సీనియర్ జర్నలిస్ట్ ఇమంది రామారావు

Senior Journalist Imandhi Ramarao : ఎడిటర్ గా ప్రయాణం మొదలు పెట్టి ఆ తరువాత డైరెక్టర్ గా మారి ఎన్నో కుటుంబ కథా చిత్రాలను తీసి నాగేశ్వరావు గారికి ముఖ్యంగా ఎన్నో హిట్ సినిమాలను ఇచ్చిన దర్శకులు ఆదుర్థి సుబ్బారావు గారు. ఆయన మూగ మనసులు, డాక్టర్ చక్రవర్తి, తేనెమనసులు, కన్నె మనసులు వంటి ఎన్నో సినిమాలను తీశారు. మొదట బాలీవుడ్ లో అసిస్టెంట్ డైరెక్టర్ గా పనిచేసిన ఆదుర్థి గారు ఆ తరువాత ఎడిటర్ గాను స్క్రీన్ రైటర్ గాను పనిచేసారు. అయితే ఆయన ఎన్నో మంచి చిత్రాలను తీసి ఎన్నో అవార్డులను సొంతం చేసుకున్న ఆయన ఒక హీరోయిన్ ప్రేమలో పడి ఎలా ఆయన జీవితాన్ని నాశనం చెసుకున్నారో సీనియర్ జర్నలిస్ట్ ఇమంది రామారావు గారు తెలిపారు.

తేనె మనసులు సినిమా తరువాత జీవితం నాశనం…

ఆదుర్థి గారిలోని ప్రతిభ చూసి ఎడిటర్ గా ఉన్న ఆయనను దుక్కిపాటి మాదిసూదన్ రావు గారు నాగేశ్వరావు గారి సినిమాకు డైరెక్షన్ ఛాన్స్ ఇచ్చారు. అయితే మొదట ఒక సినిమా చూసి ఆపైన సినిమా డైరెక్షన్ చేస్తానని చెప్పిన ఆయన అలా సినిమా డైరెక్షన్ చేసారు. ఇక మెలో డ్రామా సినిమా తీయడంలో ఆదుర్థి గారితో పోటీ పడేవారు ఎవరూ లేరు అనేంతగా ఆయన సినిమా తీసేవారు.

అలా కృష్ణ హీరోగా ‘తేనెమనసులు’ సినిమా తీయగా అందులో సుకన్యను హీరోయిన్ గా తీసుకున్నారు. ఇక ఆ సినిమా తరువాత ఆమె మత్తులో పడిన ఆదుర్థి గారు సినిమా మీద ఆసక్తి తగ్గిపోయి ఆమె చుట్టూ తిరిగి జీవితం నాశనం చేసుకున్నారు. ఆయన అకాల మరణం తరువాత ఆయన ద్వారా సుకన్య ఆత్రేయ గారికి పరిచయమై ఆయన కూడా సుకన్య మోజులో పడి పాటలు రాయడం మరచి పోయి జీవితం నాశనం చేసుకున్నారు అంటూ చెప్పారు.