Senior PRO Vinayakarao : వడ్డే నవీన్ దానివల్లే సినిమాలకు దూరం అయ్యాడు…: సీనియర్ పిఆర్ఓ వినాయకరావు

Senior PRO Vinayakarao : టాలీవుడ్ ప్రముఖ నిర్మాత వడ్డే రమేష్ వారసుడిగా తెలుగు సినిమాలకు పరిచయం అయ్యాడు వడ్డే నవీన్. చేసినది తక్కువ సినిమాలే అయినా అనతి కాలంలోనే స్టార్ హీరోగా గుర్తింపు తెచ్చుకున్నాడు. ‘కోరుకున్న ప్రియుడు’ సినిమాతో తన సినీ ప్రయాణం మొదలు పెట్టాడు. ‘పెళ్లి’ సినిమా మంచి విజయాన్ని అందించింది. కేవలం 30 సినిమాలలో మాత్రమే నటించిన వడ్డే నవీన్ తక్కువ సమయంలోనే స్టార్ ఇమేజ్ సంపాదించడం అలాగే తక్కువ సమయంలోనే ఫేడ్ అవుట్ అవ్వడం జరిగింది. అయితే కుటుంబ కథా చిత్రాలతో అభిమానులకు బాగా దగ్గరయ్యాడు వడ్డే నవీన్. ఇక ఆయన గురించి చాలా రోజులకు ఒక వార్త సోషల్ మీడియాలో వైరల్ అవుతోంది.

వడ్డే నవీన్ సినిమాలకు దూరం అవడానికి అదే కారణం…

వడ్డే నవీన్ కుటుంబ కథా చిత్రాల హీరోగా మంచి పేరు తెచ్చుకుని అప్పుడప్పుడే ఎదుగుతున్న సమయంలోనే సినిమాలకు గుడ్ బై చెప్పేశాడు. అయితే ఆయన అలా చేయడానికి కారణం ఏంటనేది ఇప్పటికీ క్లారిటీ లేకపోయినా ఆయన వద్ద పిఆర్ఓ గా పనిచేసిన వినాయకరావు గారు ఆయన గురించి ఒక ఇంటర్వ్యూలో మాట్లాడుతూ ఆయన వరుసగా ఫ్లాప్స్ ఎదుర్కోవడం, కథ ఎంపిక సరిగా చేయకపోవడం వల్లే ఆయన కెరీర్ గ్రాఫ్ పడిపోయిందని చెప్పారు.

అలా ఆయన సినిమా తెరకు దూరం అయ్యారని చెప్పారు వినాయకరావు. వినాయకరావు గారు అటు సినిమా జర్నలిస్ట్ గా పనిచేస్తూనే మరోవైపు హీరోలు శ్రీకాంత్, వడ్డే నవీన్, కృష్ణం రాజు గారు వంటి వారికి పిఆర్ఓ గా పనిచేశారు. ఇక ఇవే కాకుండా ఆయన కృష్ణ, దాసరినారాయణ రావు గారు, విజయనిర్మల, రామానాయుడు వంటి సినిమా పెద్దల జీవితాలను పుస్తకాల రూపంలోకి తీసుకొచ్చారు. తాజాగా చిరంజీవి గారి గురించి కూడా పుస్తక రచన చేస్తున్నట్లు ఆయన తెలిపారు.