Shankar: వామ్మో.. గేమ్ చేంజర్ సినిమాలో పాటల కోసమే శంకర్ అన్ని కోట్లు ఖర్చు పెడుతున్నారా?

Shankar: కోలీవుడ్ స్టార్ డైరెక్టర్ శంకర్ ప్రస్తుతం ఇండియన్ 2 సినిమాతో పాటు రామ్ చరణ్ హీరోగా నటిస్తున్న గేమ్ ఛేంజర్ అనే సినిమా ద్వారా ప్రేక్షకుల ముందుకు రావడానికి సిద్ధంగా ఉన్నారు. ప్రస్తుతం ఈ సినిమా శరవేగంగా షూటింగ్ పనులను జరుపుకుంటుంది. ఇందులో రామ్ చరణ్ కియార అద్వానీ హీరో హీరోయిన్లుగా నటిస్తున్నారు.

ప్రముఖ నిర్మాత దిల్ రాజు ఈ చిత్రాన్ని పాన్ ఇండియా స్థాయిలో అత్యంత భారీ బడ్జెట్ సినిమాగా ప్రేక్షకుల ముందుకు తీసుకు రావడానికి సిద్ధమయ్యారు. ఈ సినిమాని వచ్చేయడాది సంక్రాంతి పండుగ సందర్భంగా విడుదల చేయాలని మేకర్స్ గట్టి ప్రయత్నాలు చేస్తున్నారు. ఇకపోతే తాజాగా ఈ సినిమాకు సంబంధించి ఓ వార్త సోషల్ మీడియాలో వైరల్ గా మారింది.

మామూలుగా శంకర్ సినిమాలోని పాటలు అంటే ఏ రేంజ్ లో ఉంటాయో మనకు తెలిసిందే. ఈయన పాటలపై ఎంతో ప్రత్యేకమైన దృష్టి పెట్టడమే కాకుండా భారీగా ఖర్చు చేస్తూ ప్రేక్షకుల ముందుకు తీసుకువస్తుంటారు. ఇక ఈ సినిమాలో ఐదు పాటలు ఉన్నాయని ఈ ఐదు పాటల కోసం ఇండస్ట్రీలో స్టార్ కొరియోగ్రాఫర్లను రంగంలోకి దింపారని తెలుస్తోంది.

Shankar: పాటలకే 90 కోట్లా…

ఇలా ఈ సినిమాలోని ఈ ఐదు పాటలను తెరకెక్కించడం కోసం శంకర్ భారీగానే ఖర్చు చేస్తున్నారట. ఇలా ఈ పాటల చిత్రీకరణ కోసం ఈయన ఏకంగా 90 కోట్ల రూపాయలను ఖర్చు చేస్తున్నారని తెలిసి అందరూ ఆశ్చర్యపోతున్నారు.ఇక ఈ విషయం తెలియడంతో శంకర్ సినిమాలో పాటలు అంటే మరి ఈ రేంజ్ లోనే ఉండాలిగా అంటూ కామెంట్ చేస్తున్నారు.శంకర్ అద్భుతమైన గ్రాఫిక్స్ కు రాంచరణ్ వంటి అద్భుతమైన డాన్సర్ తోడైతే ఆ సినిమాలోని పాటలు ఎలా ఉంటాయో చెప్పాల్సిన పనిలేదు.