Sobha shetty: కాబోయే భర్తకు కాస్ట్లీ కార్ గిఫ్ట్ గా ఇచ్చిన బిగ్ బాస్ శోభా శెట్టి.. ఖరీదు ఎంతంటే?

Sobha shetty: శోభా శెట్టి కంటే మోనిత పేరు చెబితేనే అందరూ టక్కున గుర్తుపడతారు. ఈమె కార్తీక దీపం సీరియల్ లో విలన్ పాత్రలో నటించి ప్రేక్షకులను మెప్పించారు. శోభ శెట్టి ఈ సీరియల్ తర్వాత ఈమె ఎలాంటి సీరియల్స్ ద్వారా ప్రేక్షకుల ముందుకు రాలేదు అయితే బిగ్ బాస్ కార్యక్రమంలో కంటెస్టెంట్ గా పాల్గొన్నారు.

ఈ కార్యక్రమంలో ఈమె తనలో ఉన్న మరో యాంగిల్ కూడా ప్రేక్షకులకు చూపించారు. ఇలా 14 వారాలపాటు హౌస్ లో కొనసాగిన శోభ బిగ్ బాస్ కార్యక్రమంలో ఉన్న సమయంలోనే తన ప్రియుడిను అందరికీ పరిచయం చేశారు. కార్తీక దీపం సీరియల్ లో డాక్టర్ బాబు తమ్ముడుగా నటించిన ఆదిత్య ఆలియాస్ యశ్వంత్ రెడ్డిని ఈమె ప్రేమిస్తున్నట్లు బయటపడటంతో అందరూ షాక్ అయ్యారు.

ఇక బయటకు వచ్చిన తర్వాత వీరిద్దరు పెళ్లి ఎప్పుడు అనే విషయం గురించి ఎన్నో ప్రశ్నలు ఎదురయ్యాయి అయితే వీరిద్దరు ముందుగా తమ సొంత ఇంటికలను నెరవేర్చుకున్నారు అనంతరం కుటుంబ సభ్యుల సమక్షంలో తమ నిశ్చితార్థం ఎంతో ఘనంగా జరుపుకున్నారు. ఇక త్వరలోనే పెళ్లి కూడా చేసుకోబోతున్నారు. ఈ క్రమంలోనే తనకు కాబోయే భర్త యశ్వంత్ పుట్టినరోజు రావడంతో ఈమె సర్ప్రైజ్ గిఫ్ట్ ఇచ్చారు.

పుట్టినరోజు..
యశ్వంత్ పుట్టినరోజు సందర్భంగా ఖరీదైన కారును కానుకగా అందించారు.బీస్ట్ ఎక్స్‌యూవీ 700 కారుని శోభాశెట్టి కొనుగోలు చేసిన ఫొటోలు ఇప్పుడు సోషల్ మీడియాలో తెగ వైరలవుతున్నాయి. ఇలా ప్రియుడికి పుట్టినరోజు సందర్భంగా ఇలాంటి కానుక ఇవ్వడంతో అభిమానులు కూడా షాక్ అవుతూ వీరిద్దరికీ శుభాకాంక్షలు తెలియజేస్తున్నారు. ఇక ఈ కారు ఖరీదు 15 నుంచి 20 లక్షల వరకు ఉంటుందని సమాచారం.