Singer Jikki daughter Hemalatha : జిక్కి గారిని పెళ్లి చేసుకోవాలని అనుకున్న నాగేశ్వరావు గారు… ఎవరు ఆపారంటే… ఆ కారు అమ్మదే…: గాయని జిక్కి గారి అమ్మాయి హేమలత

Singer Jikki daughter Hemalatha : ఇప్పటి తరం వారికి జిక్కి గారి పాటలంటే జానవులే.. నెరజాణవులే అంటూ ఆదిత్య369 సినిమాలో సిల్క్ స్మిత పాట, అలాగే మురారి సినిమాలో అలనాటి రాంచంద్రుడికి సాంగ్ గుర్తొస్తుంది. అయితే పాత బ్లాక్ అండ్ వైట్ సినిమాల్లో జిక్కి గారు వేల పాటలను పాడారు. ఆమె భర్త ఏఎం రాజా గారి స్వర కల్పనలో మరిన్ని పాటలను ఆమె ఆలపించారు. ఓవైపు సంగీత కచేరిలను చేస్తూనే సినిమా పాటలను పాడిన జిక్కి గారు కెరీర్ మొదట్లో పాటలను ఆలపించి అలాగే సినిమాల్లో నటించారు. ఇక ఆమె గురించి పలు ఆసక్తికర విషయాలను ఆమె కూతురు హేమలత ఇంటర్వ్యూలో పంచుకున్నారు.

నాగేశ్వరావు గారు పెళ్లి చేసుకోవాలని అనుకున్నారు…

జిక్కి గారు సింగర్ అయినా హీరోయిన్ కి మించిన అందం ఆమెది. ఆమెను చూసి ఇష్టపడిన నాగేశ్వరావు గారు ఆమెను పెళ్లి చేసుకోవాలని ఆమెను అడిగారట. అయితే కుటుంబ బాధ్యతలను నెత్తిన వేసుకునికన్న జిక్కి గారికి అప్పుడే పెళ్లి చేసుకోవాలనే ఆలోచన లేదట. అందుకే వద్దన్నుకున్నారు. అప్పట్లోనే జిక్కి గారికి కార్లంటే చాలా ఇష్టం ఉండటంతో కొత్తగా ఏ మోడల్ వచ్చినా అది కొనేవారట.

అలాంటి అభిరుచి నాగేశ్వరావు గారికి ఉండటంతో జిక్కి గారి వద్ద ఉన్న ఒక కారును ఆయన కొన్నారట. ఈ విషయాలను జిక్కి గారి అమ్మాయి హేమలత పంచుకున్నారు. మనం సినిమా చూసే సమయంలో నాగేశ్వరావు గారి కార్ కలెక్షన్స్ గురించి ప్రస్తావన వచ్చినపుడు అమ్మ చెప్పిన మాటలు గుర్తు వచ్చాయి అంటూ చెప్పారు హేమలత. జిక్కి గారు తెలుగు, తమిళం, కన్నడ, మలయాళం, హిందీ, సింహాళ ఇలా అన్ని భాషలలో కలిపి దాదాపు 10 వేలకు పైగా పాటలు పాడారని చెప్పారు.