Singer Sunitha : నా పాటని ఇష్టపడుతారో లేక నన్ను ఇష్టపడుతారో అర్థం కాదు…: సింగర్ సునీత

Singer Sunitha : సింగర్ సునీత ఉపధ్రష్ట ఎన్నో తెలుగు పాటలు పాడి సింగర్ గా అగ్రస్థానంలో ఉంది. సౌత్ భాషల్లో పాటలు పాడి బాగా ఫేమస్ అయిన సునీత ఇక సినిమాల్లో డబ్బింగ్ చెప్పి కూడా అంతే ఫేమస్ అయింది. ఇక కేవలం ఆమె గాత్రమే కాకుండా రూపం కూడా చూడచక్కగా ఉండటం వల్ల సినిమాల్లో హీరోయిన్ గా అవకాశాలు వచ్చాయి. కానీ సునీత కు సినిమాల్లో నటించే ఆసక్తి లేక అటు వైపు రాలేదు. ఇక చిన్న వయసులో 19 ఏళ్లకే పెళ్లి చేసుకున్న సునీతకు ఇద్దరు పిల్లలు. అయితే వ్యక్తిగత కారణాలతో భర్త నుండి సునీత విడిపోయారు. ఇక ఒక వైపు పాటలు మరోవైపు డబ్బింగ్ చెబుతూ కెరీర్ లో దూసుకుపోయింది. భర్త తో విడిపోయి చాలా కాలం తరువాత మరో పెళ్లి చేసుకున్న సునీత, మ్యాంగో మ్యూజిక్ అధినేత రామ్ వీరపనేని ని పెళ్లి చేసుకున్నారు. తాజాగా ఒక ఇంటర్వ్యూలో తన 27 ఏళ్ల కెరీర్ గురించి మాట్లాడుతూ సునీత ఆసక్తికర విషయాలను పంచుకున్నారు.

నన్ను చూసి పాట ఇష్టడుతారో లేక పాట చూసి నన్ను ఇష్టపడుతారో…

సునీత గారు సింగర్ గా తన ప్రయాణం ప్రారంభించి సుమారు 27 సంవత్సరాలు పూర్తి చేసుకున్నారు. చిన్న వయసులోనే సింగర్ గా అడుగుపెట్టిన సునీత ఎన్నో పాటలను అందంగా పడటమే కాకుండా ఎంతో మధురంగా హీరోయిన్స్ కి డబ్బింగ్ కూడా చెప్పేది. అయితే తన పాటకు ఎంతో మంది ఫ్యాన్స్ ఉండగా తనకు మాత్రం ఒకానొక టైంలో చాలా కన్ఫ్యూషన్ గా ఉండేదంటూ తెలిపారు.

తన అందం చూసి పాట ఇష్టపడుతున్నారా లేక తన పాట చూసి తనను ఇష్టపడుతున్నారా లేక తన చీరలను ఇష్టపడుతున్నారా అనేది అర్థమయ్యేది కాదని తెలిపారు. కొంతమంది మీ పాట వల్లే మీరంటే ఇష్టం అని చెప్తారట. మరికొంతమంది మీ చీరలు చాలా బాగుంటాయి అంటూ చెప్తుంటారట. అందుకే ఆ విషయంలో కన్ఫ్యూషన్ ఉంది అంటూ నవ్వుతారు సునీత.