ఆ డైరెక్టర్ మామూలోడు కాదంటున్న సింగర్ సునీత!

టాలీవుడ్ ఇండస్ట్రీలో ప్రముఖ సింగర్ గా ఎన్నో వందల పాటలు పాడి ఎంతో మంది మనసును దోచుకున్న వారిలో సింగర్ సునీత ఒకరు. ఈమె గాత్రంతో పాడే పాటలు ఎంతో మంది ప్రేక్షకులను ఆకట్టుకున్నాయి. ఇదిలా ఉండగా సునీత రామ్ ను రెండవ పెళ్లి చేసుకున్న తర్వాత ఈమె సోషల్ మీడియాలో ఎంతో యాక్టివ్ గా కనిపిస్తున్నారు. తనకు సంబంధించిన ప్రతి విషయాన్ని సోషల్ మీడియా ద్వారా అభిమానులతో పంచుకున్నారు.

ఈ క్రమంలోనే సునీత తన జీవితంలో జరిగినటువంటి ఓ ఆసక్తికరమైన విషయాన్ని వెల్లడించారు. తన ఓ సినిమాకి డబ్బింగ్ చెబుతున్న సమయంలో ఆ సినిమా డైరెక్టర్ తనతో వ్యవహరించిన తీరు గురించి కొన్ని ఆసక్తికరమైన వ్యాఖ్యలు చేశారు. ఈ సినిమా డబ్బింగ్ చెప్పే సమయంలో మొదటి రోజు స్టూడియోలో అడుగు పెట్టగానే దర్శకుడు హలో మేడం అంటూ పలకరించి తను నా అభిమాని అంటూ పరిచయం చేసుకున్నారు.

ఈ విధంగా డబ్బింగ్ చెబుతున్న సమయంలో కొంత సమయానికి ఆ దర్శకుడు నన్ను సునీత అని పిలవడం మొదలు పెట్టాడు. ఈ విధంగా ఈ సినిమా డబ్బింగ్ కొన్ని సెషన్స్‌ పూర్తి అయిన తర్వాత ఆ దర్శకుడు నాకు మధ్య మధ్యలో సలహాలిస్తూ అరే బుజ్జి ,నాన్న అని పిలవడం మొదలుపెట్టారు. ఈ విధంగా దర్శకుడు నన్ను అలా కలవడం ఎంతో చిరాగ్గా అనిపించిందని సునీత తాజాగా తెలియజేశారు.

అయితే నా అదృష్టం ఏమిటంటే ఇప్పటివరకు ఆ దర్శకుడిని కలిసే అవకాశం మరోసారి రాలేదని ఆమె తెలిపారు.అప్పుడు ఆ డైరెక్టర్ తనతో ఆ విధంగా ప్రవర్తించడం ఆశ్చర్యం కలిగించిన ఇప్పుడు నవ్వొస్తుంది అంటూ ఆమె తెలిపారు. అయితే సింగర్ సునీతతో ఆ విధంగా ప్రవర్తించడం డైరెక్టర్ ఎవరు? తన డబ్బింగ్ చెప్పిన ఆ సినిమా ఏమిటి? అనే విషయాల గురించి ఎక్కడ చెప్పకపోవడం ఆశ్చర్యం. ప్రస్తుతం సునీత డ్రామా జూనియర్స్ అనే కొత్త షో కి న్యాయనిర్ణేతగా వ్యవహరించనున్నట్లు తెలుస్తోంది