Deepthi Sunaina – Shanmukh: షన్నూ.. దీప్తి బ్రేకప్ పై స్పందించిన సిరి.. వీరి లవ్ మరి అంత వీకా..?

Deepthi Sunaina – Shanmukh: యూట్యూబ్ ద్వారా ఎన్నో వీడియో సాంగ్స్, వెబ్ సిరీస్ లు చేస్తూ ఎంతో మంచి గుర్తింపు సంపాదించుకున్న షణ్ముఖ్ జస్వంత్ అదే పాపులారిటీతో బిగ్ బాస్ సీజన్ ఫైవ్ లోకి ఎంట్రీ ఇచ్చారు.ఇలా బిగ్ బాస్ లోకి వెళ్ళిన తర్వాత చాలా మంది మరింత గుర్తింపు సంపాదించుకుంటే షణ్ముఖ్ జస్వంత్ ఉన్న పాపులారిటీని కాస్తా డామేజ్ చేసుకున్నారు.

ఇలా షణ్ముఖ్ జస్వంత్ బిగ్ బాస్ హౌస్ లో సిరి హనుమంత్ తో ఎంతో చనువుగా ఉండటమే ఆయనకు నెగిటివ్ అయిందని చెప్పాలి. బిగ్ బాస్ హౌస్ లో వీరి వ్యవహారశైలి నచ్చక బిగ్ బాస్ నుంచి బయటకు వచ్చిన తర్వాత షణ్ముఖ్ దీప్తి సునైనా తనకి బ్రేకప్ చెప్పిన సంగతి మనకు తెలిసిందే. అయితే వీరిద్దరి లవ్ బ్రేకప్ కు కారణం సిరి అంటూ ఎంతోమంది షన్నూ అభిమానులు దారుణంగా తనని ట్రోల్ చేశారు.

ఇలా గత కొద్దిరోజుల నుంచి సోషల్ మీడియాలో సిరి గురించి నెగిటివ్ కామెంట్లు చేయడంతో ఈ విషయంపై సిరి స్పందిస్తూ తనదైన శైలిలో సమాధానం చెప్పారు… తన వల్ల వారిద్దరూ విడిపోయారు అనడం ఏమాత్రం కరెక్ట్ కాదు మరి వీరి లవ్ అంతా వీకా అంటూ సిరి కామెంట్ చేసింది. దీప్తి, షన్నూ తన వల్ల విడిపోలేదని కరాఖండిగా చెప్పేశారు.

మా మధ్య కేవలం స్నేహం మాత్రమే ఉంది…

బిగ్ బాస్ హౌస్ లో ఉన్న వారిలో జెస్సీ, షన్నూ, తనకు బెస్ట్ ఫ్రెండ్స్ అని రవి తనకు బ్రదర్ లాంటి వాడని ఈ సందర్భంగా సిరి తెలిపారు. బిగ్ బాస్ హౌస్ లో ఉన్నప్పుడు నాకు షణ్ముఖ్ జస్వంత్ మధ్య కాస్త ఎమోషనల్ ఫీలింగ్స్ ఎక్కువ అయ్యాయి. అంతేకానీ మా ఇద్దరి మధ్య ఎలాంటి రిలేషన్ లేదని తెలిపారు. కానీ బిగ్ బాస్ నుంచి బయటకు వచ్చిన తర్వాత మా పై జరిగిన ట్రోల్స్ చూసి చాలా డిప్రెషన్లోకి వెళ్లి పోయానని ఇప్పుడిప్పుడే ఆ డిప్రెషన్ నుంచి బయటపడుతున్నానని ఈమె తెలియజేశారు.