Siva Krishna : ఎన్టీఆర్ పక్కన కూర్చోకూడదని నాకు తెలీదు.. తెలియక కుర్చీ తీసుకుని కూర్చున్నా.. ఎన్టీఆర్ ఏమన్నారంటే.. : నటుడు శివ కృష్ణ

Siva Krishna : ఇప్పటి తరంవారికి క్యారెక్టర్ ఆర్టిస్ట్ గానే తెలిసిన శివ కృష్ణ మొదట హీరోగా పరిచయమై మూడు వరుస హిట్లు కొట్టారని చాలా తక్కువ మందికి మాత్రమే తెలుసు. ‘మరో మలుపు’ సినిమాతో మొదటి హిట్ హీరోగా అందుకున్న శివ కృష్ణ ఇంట్లో వాళ్ళకి ఆయన సినిమాల్లో నటించడం ఇష్టం లేదు. ఆ సినిమా తరువాత 16 సినిమా అవకాశలు వచ్చినా ఆయన నచ్చినవి మాత్రమే చేయాలని నిర్ణయించుకున్నారు.

అలా ఎన్టీఆర్ గారి పక్కన కూర్చోరాదని నాకు తెలియదు….

మరో మలుపు చిత్రం ద్వారా మలుపు తిరిగిన కెరీర్ తో ‘మరోసారి ఈ చరిత్ర’ సినిమా తీశారు. ఆ సినిమా కూడా చెప్పుకొదగ్గ విజయాన్ని నమోదు చేసుకుంది. ఆ తరువాత ‘ఇది కాదు ముగింపు’ సినిమాతో మళ్ళీ విజయాన్ని అందుకున్నారు. ఈ సినిమాలన్నీ కూడా కమ్యూనిజం భావాలు కలిగిన సినిమాలే. వీటి తరువాత ఆయన కమర్షియల్ సినిమాల వైపు నడిచారు. ఊరేగింపు, పదండి ముందుకు, దండయాత్ర, ముందడుగు వంటి సినిమాల్లో నటించారు. స్వతహాగా ఎన్టీఆర్ వీరాభిమాని అయిన శివ కృష్ణ గారు ఎన్టీఆర్ గారి నా దేశం సినిమాలో నటించారు.

ఆ సమయంలో ఎన్టీఆర్ గారితో మొదట నటించినపుడు, పిలిచి మాట్లాడాలని అన్నపుడు పక్కన వెళ్లి కూర్చోగా, అయితే అలా కూర్చోవద్దని మిగతా ఆర్టిస్టులు సైగ చేసారు. నాకు అర్థం కాలేదు కానీ ఎన్టీఆర్ గారు నాతో చాలా బాగా మాట్లాడారు. ఇంత లేట్ గా ఇండస్ట్రీ కి ఎందుకు వచ్చావ్ అని అడిగారట, ఇక 1స్ట్ టేక్ లోనే షాట్ ఓకే అవ్వడంతో చాలా బాగా అనిపించిందని శివకృష్ణ అప్పటి అనుభవాలను పంచుకున్నారు. నిజానికి శివ కృష్ణ గారిది వ్యాపార కుటుంబం. అయినా ఎన్టీఆర్ గారంటే ఉన్న విపరీతమైన అభిమానంతో సినిమాల్లోకి వచ్చారట. శివ కృష్ణ గారు గాయం, చెన్నకేశవ రెడ్డి, అల్లరి రాముడు, ఈశ్వర్ వంటి అనేక చిత్రాల్లో నటించారు.