తొమ్మిదేళ్ల వయసులో నాపై రేప్.. స్టార్ హీరోయింగ్ సంచలనం..?

ఈమధ్య సినిమా ఇండస్ట్రీ లో ఉన్న నటీమణులు తమకు ఎలాంటి అన్యాయం జరిగిన ఊరుకోవడం లేదు.. వెంటనే స్పందిస్తూ వారిపై ఉన్న మచ్చ ను పోగొట్టుకునే ప్రయత్నం చేస్తున్నారు. కాస్టింగ్ కౌచ్ దగ్గరినుంచి తమపై కురిసే పొగడ్తల వరకు అన్నీ ప్రేక్షకులతో పంచుకుంటూ కొన్ని కొన్ని సెన్సషనల్ కామెంట్స్ చేస్తున్నారు. తాజాగా ఓ స్టార్ హీరోయిన్ తనకు జరిగిన అన్యాయాన్ని ప్రపంచానికి చెప్పింది. తన తొమ్మిదేళ్ల ప్రాయంలో జరిగినటువంటి విషయాన్నీ ఇప్పుడు ప్రకటించి సెన్సేషన్ క్రియేట్ చేసింది..

బాలీవుడ్ నటి, సల్మాన్ ఖాన్ మాజీ ప్రియురాలు, పాకిస్థాన్‌కు చెందిన సోమీ ఆలీ ఈ షాకింగ్ విషయాలను బయటపెట్టింది. తన బాల్యంలో లైంగిక దాడికి గురయ్యానని ఇటీవల మీడియాకు ఇచ్చిన ఇంటర్వ్యూలో వెల్లడించింది. దీంతో ప్రస్తుతం ఆమె ఇంటర్వ్యూ జాతీయ మీడియాలోనే కాకుండా సోషల్ మీడియాలో వైరల్ అవుతున్నది. పాకిస్థాన్ పుట్టి పెరిగిన ఈ నటి అమెరికాలోని ఫ్లోరిడాకు వలసపోయారు. యవ్వనంలోనే బాలీవుడ్ కండల వీరుడు సల్మాన్‌ ఖాన్‌పై మోజు పెంచుకొన్నారు. ఆ తర్వాత ముంబై చేరుకొని హీరోయిన్‌గా తన అదృష్టాన్ని పరీక్షించుకొన్నారు.

బాలీవుడ్‌లో కెరీర్‌ను కొనసాగిస్తూనే సల్మాన్ ఖాన్‌తో డేటింగ్ చేసింది. అప్పట్లో సల్మాన్ ఖాన్, సోమీ ఆలీ అఫైర్ గురించి బాలీవుడ్ మీడియాలో కథలు కథలుగా చెప్పుకొన్నారు. దాదాపు 8 సంవత్సరాలపాటు సల్మాన్‌తో అఫైర్ కొనసాగించింది. అయితే తన కెరీర్ బాగానే ఉన్నప్పటికి అనూహ్యంగా హిందీ సినీ పరిశ్రమను వదిలేసింది. ప్రస్తుతం నో మోర్ టియర్స్ అనే స్వచ్ఛంద సంస్థను నడుపుతున్నది. రేప్ బాధితులకు ఓదార్పు, అండగా ఉండేలా తన సంస్థను నిర్వహిస్తున్నారు. ఈ నేపథ్యంలో ఆమె పాకిస్థాన్‌లో ఐదేళ్ల వయసులో ఉండగా లైంగిక వేధింపులకు గురయ్యాను. పనివాళ్లకు సంబంధించిన క్వార్టర్స్‌లో మూడుసార్లు లైంగిక దాడికి గురయ్యా. నా తల్లిదండ్రులకు చెబితే… ఎవరికీ చెప్పవద్దు అంటూ చెప్పారు. ఆ తర్వాత నాపై దారుణానికి పాల్పడిన వారిపై చర్యలు తీసుకొన్నారు. ఆ తర్వాత మళ్లీ 9 ఏళ్ల వయసులోను, అలాగే 14 ఏళ్ల వయసులో నేను రేప్‌కు గురయ్యాను అంటూ సోమీ ఆలీ చెప్పారు.