Sonia Agarwal: ‘డిటెక్టివ్ సత్యభామ’గా సోనియా అగర్వాల్..! సస్పెన్స్ థ్రిల్లర్‌తో ప్రేక్షకుల ముందుకు..!

Sonia Agarwal: ‘7బై జీ బృందావన్‌ కాలనీ’లో కుర్రకారు గుండెల్లో రైళ్లు పరుగెత్తించిన హీరోయిన సోనియా అగర్వాల్ పేరు అందరికీ గుర్తు ఉండే ఉంటుంది. మొదట ‘నీ ప్రేమకై’ మూవీతో హీరోయిన్ గా పరిచయం అయి.. 7/జితో ఆమెకు మంచి గుర్తింపు వచ్చింది. కానీ తర్వత ఆమెకు అంత పెద్దగా పేరు తెచ్చిన సినిమాలు లేవు. తాజాగా ఆమెకు సంబంధించిన ఓ సినిమా ఈ నెల డిసెంబర్ 31 న థియేటర్లలో సందడి చేయనుంది.

అదేంటంటే.. సిన్మా ఎంటర్టైన్మెంట్‌ పతాకంపై శ్రీశైలం పోలెమోని నిర్మాతగా నవనీత్‌ చారి దర్శకత్వంలో సస్పెన్స్ థ్రిల్లర్ గా వస్తున్న చిత్రం‘డిటెక్టివ్‌ సత్యభామ’. ఈ సంద‌ర్భంగా సోనీ అగర్వాల్ మాట్లాడుతూ ‘7బై జీ బృందావన్‌ కాలనీ’ తర్వాత తనకు ఎక్కువగా పేరు తెచ్చిన సినిమాలు లేవు కానీ.. సెకండ్ ఇన్నింగ్స్ లో అంత క్రేజ్ తెచ్చే మూవీ ఈ ‘డిటెక్టివ్‌ సత్యభామ’ అవుతుందని ఆమె చెప్పుకొచ్చింది. ఎందుకంటే మూవీ పోస్ట్ ప్రొడక్షన్ అంతా ముంబైలో పూర్తి చేసి ఫస్ట్ కాపీ తనకు ముంబాయిలో చూపించారని.. తనకు బాగా నచ్చిందన్నారు.

ఇక ఈ నెల 28 నుంచి హైదరాబాద్ లో ఉండి చిత్ర యూనిట్ తో ప్రమోషన్స్ లో పాల్గొంటానని చెప్పారు. దీనిలో ప్రతీ జోనర్ వాళ్లకు నచ్చేవిధంగా తీశామని.. అన్ని హంగులతో.. అన్ని వర్గాల ప్రేక్షకులకు నచ్చుతుందని నిర్మాత శ్రీశైలం తెలిపాడు. ఈ సినిమా సస్పెన్స్ థ్రిల్లర్ గా తెరకెక్కిందని.. యాక్షన్ సీన్లతో కూడా నాలుగు పాటు ఉన్నాయని.. అందరికీ ఈ చిత్రం నచ్చుతుందని దర్శకుడు నవనీత్ చారి అన్నారు. ఈ చిత్రంతోనే తాను దర్శకుడికి పరిచయం అవుతున్నాని కూడా తెలిపాడు. మంచి టెక్నీషియన్స్‌ టీంతో పనిచేశాం.

ఆమె ఒప్పకోవడం ఎంతో సంతోషం..

సోనియా అగర్వాల్‌ మా స్క్రిప్ట్‌ విన్న వెంటనే ఓకే చేయటం చాలా సంతోషం. ఒక స్టార్‌ హీరోయిన్‌ ఈ కథను సింగిల్‌ సిట్టింగ్‌లో ఓకే చేయటాన్ని బట్టి ఈ కథలో ఉన్న విషయం అర్ధం చేసుకోవచ్చని అన్నారు. నిర్మాత ఎప్పుడూ టెన్షన్‌ పడలేదు. కొత్తవారైనా అనుభవం ఉన్న నిర్మాతలా ప్లాన్‌ చేసి షూటింగ్‌ సమయానికి అన్నీ అరేంజ్‌ చేశారన్నారు. ఇలాంటి ప్యాషన్‌ ఉన్న నిర్మాతలు పరిశ్రమకు చాలా అవసరమన్నారు. ఈ చిత్రంలో సాయి పంపన, రవివర్మ, సునీత పాండే, రోబో గణేష్‌, సోనాక్షివర్మ, సంజన, పూజ, బాలు, రెహాన్‌, భరత్‌ తదితరులు ఇతర ప్రధాన పాత్రలు పోషించారు.