Sree Lakshmi : ఇద్దరు పిల్లలు చనిపోయారు… వాడి జీవితం ఇలా అవుతుందని కలలో కూడా అనుకోలేదు : శ్రీ లక్ష్మి

Sree Lakshmi : సీనియర్ నటి, కమెడియన్ శ్రీలక్ష్మి తెలుగు ప్రేక్షకులకు సుపరిచితురాలు. ఆమె కొన్నివందల సినిమాల్లో నటించారు. శ్రీ లక్ష్మి గారి తండ్రి అమర్నాథ్ గారు తెలుగులో హీరోగా ప్రొడ్యూసర్ గా ఎన్నో సినిమాలను చేశారు. ఇక శ్రీలక్ష్మి గారి తమ్ముడు రాజేష్ కూడా నటుడే. తెలుగు సినిమాల్లో చేసిన ఆయన మంచి గుర్తింపు తెచ్చుకున్నారు. హీరో గా అలాగే విలన్ గా పాత్రలు చేసిన రాజేష్ గారు చాలా చిన్న వయసులో మరణించారు. ఇక ఆయన కూతురు ఐశ్వర్య రాజేష్ కూడా హీరోయిన్ గా ప్రస్తుతం తమిళ ఇండస్ట్రీలో మంచి పేరు తెచ్చుకుంది. ఇక రాజేష్ గారి మరణం గురించి శ్రీలక్ష్మి గారు తాజాగా ఇంటర్వ్యూల్లో మాట్లాడారు.

అలా చనిపోతాడని కలలో కూడా అనుకోలేదు…

రాజేష్ చిన్న వయసులోనే చాలా తప్పుడు నిర్ణయాలు తీసుకున్నాడు అంటూ శ్రీ లక్ష్మి గారు అభిప్రాయపడ్డారు. మా నాన్న ఆరోగ్యం బాగోలేక ఆర్థిక కష్టాల్లో ఉన్నపుడు నేను ఇండస్ట్రీలోకి వచ్చి సినిమాల్లో ఉన్న అవకాశాలను కూడా వదలకుండా సినిమాలను చేసాను. ఇక అలా రాజేష్ నేను సినిమాలను చేస్తున్న సమయంలో తండ్రి మరణించాక కొద్దిరోజులకే రాజేష్ పెళ్లి చేసుకోవాలానే నిర్ణయం తీసుకున్నాడు. అప్పటికి ఈ వయసుకే పెళ్లి ఎందుకు ఇంకా ఆడపిల్లలం మేమే పెళ్లి చేసుకోలేదు అని అన్నా వినలేదు అంటూ శ్రీలక్ష్మి గారు బాధపడ్డారు. ఇక పెళ్లి చేసుకుని నలుగురు పిల్లల్ని కన్నాడు ముప్పై ఏడేళ్లు దాటేసరికి నలుగురు పిల్లలు కుటుంబం బాధ్యతలతో అప్పుడు తీసుకున్న నిర్ణయాలు తప్పని బాధపడి డిప్రెషన్ లోకి వెళ్లిపోయాడు. తాగి చిన్న వయసులో ముప్పై ఎనిమిదేళ్ళకే మరణించాడు. అంత చిన్న వయసుకే తప్పుడు నిర్ణయాల వల్ల మరణించాడు.

ఇక పిల్లల్లో ఇద్దరు పిల్లలు ఇరవై ఏళ్ళు వచ్చాక మరణించారు. ఒకడు ప్రేమించిన అమ్మాయి ఇంట్లో ఉరి వేసుకుని చనిపోయాడని ఫోన్ చేసి ఆ అమ్మాయి కుటుంబం చెప్పారు. వెళ్లే సరికి హాస్పిటల్ లో శవం ఉంది, ఏం జరిగిందో ఎలా చనిపోయాడో ఇప్పటికీ తెలీదు. ఇక ఇంకొకడు అచ్చం రాజేష్ లాగా ఉండేవాడు వాడు ఆక్సిడెంట్ లో డివైడర్ కొట్టి చనిపోయాడు. అలా రాజేష్ ఇద్దరు పిల్లలు పెద్దయ్యాక మరణించారు అంటూ శ్రీ లక్ష్మి చెప్పారు. ఇక కూతురు ఐశ్వర్య మాత్రం ప్రస్తుతం తమిళ హీరోయిన్ గా మంచి గుర్తింపు తెచ్చుకుంది.