Sudheer Varma: డైరెక్టర్ సుధీర్ వర్మను చంపేసిన మీడియా… చూసుకోవాలి కదా అంటూ ఏకిపారేస్తున్న నేటిజన్స్!

Sudheer Varma: కుందనపు బొమ్మ సినిమా హీరో సుధీర్ వర్మ నిన్న వైజాగ్ లో కొన్ని కారణాలవల్ల ఆత్మహత్య చేసుకొని మరణించిన విషయం మనకు తెలిసిందే. ఇలా ఈయన మరణ వార్త తెలుగు చిత్ర పరిశ్రమలో తీవ్ర విషాదంగా మారింది.ఇలా సుధీర్ వర్మ మరణ వార్త తెలుసుకున్నటువంటి కొందరు ఈయనకు సంతాపం ప్రకటించారు. అయితే సుధీర్ వర్మ మరణ వార్త సోషల్ మీడియాలోనూ అలాగే కొన్ని న్యూస్ ఛానల్లో మరోలా స్పెండ్ అవుతుంది.

తెలుగు ఇండస్ట్రీలో హీరో సుధీర్ వర్మ మాత్రమే కాకుండా డైరెక్టర్ సుధీర్ వర్మ కూడా ఉన్న విషయం మనకు తెలిసిందే. ఈయన ప్రస్తుతం రవితేజ హీరోగా నటిస్తున్న రావణాసుర సినిమా షూటింగ్ పనులతో బిజీగా ఉన్నారు.అయితే హీరో సుధీర్ వర్మ మరణించడంతో కొన్ని జాతీయ మీడియా సంస్థలు డైరెక్టర్ సుధీర్ వర్మ మరణించారని పెద్ద ఎత్తున వార్తలను ప్రచారం చేస్తున్నారు.

ఇలా డైరెక్టర్ సుధీర్ వర్మ చనిపోయారంటూ ఫొటోలను మార్చి ఏకంగా కొన్ని కథనాలు వెలబడటంతో ఒక్కసారిగా నేటిజన్స్ ఆశ్చర్యపోయారు.అయితే ఈ తప్పును గ్రహించిన కొన్ని మీడియా సంస్థలు తమ తప్పును సరిదిద్దుకోగా మరికొందరు మాత్రం రవితేజ హీరోగా నటిస్తున్న రావణాసుర సినిమా డైరెక్టర్ సుధీర్ వర్మ ఆత్మహత్య చేసుకున్నారు అంటూ వార్తలు ప్రచారం చేస్తున్నారు.

Sudheer Varma: రావణాసుర సినిమా పనులతో బిజీగా ఉన్న సుధీర్ వర్మ…

ఈ విధంగా ఒక వ్యక్తి గురించి వార్త రాసేటప్పుడు ఆ వ్యక్తి గురించి పూర్తిగా తెలుసుకొని కథనాలు ప్రచురించాలని పొరపాటున తప్పు జరిగిన వెంటనే ఆ తప్పు సరిదిద్దుకోకుండా ఇలాగే తప్పుడు కథనాలను ప్రచారం చేయడం ఏంటి…. పేర్లు ఒకటైన మనుషులు వేరే కదా కాస్త చూసుకోవాలి కదా అంటూ నేటిజన్స్ సదురు మీడియా సంస్థలపై మండిపడుతున్నారు. ఇక డైరెక్టర్ సుధీర్ వర్మ ప్రస్తుతం రావణాసుర సినిమా పనులతో బిజీగా ఉన్నారు.