Suma kanakala : అరుదైన జబ్బుతో బాధపడుతున్న సుమ… అవగాహన లేక వచ్చిందంటూ వివరణ…!

Suma Kanakala : గల గలమంటూ మాట్లాడుతూ తానెక్కడుంటే అక్కడ సందడి చేస్తూ అందరిని నవ్వించే యాంకర్ సుమ కనకాల తెలుగులో టాప్ స్టార్ యాంకర్ గా ఉంది. అటు యాంకర్ గా పలు టీవీ షోలు చేస్తూనే మరోవైపు సినిమా ఈవెంట్లు కూడా చేస్తూ బిజీగా ఉంది. ఇక ఈ మధ్య జయమ్మ పంచాయతీ అంటూ సినిమాలో లీడ్ రోల్ లో కూడా కనిపించింది. సుమ ఇంత బిజీగా ఉన్నా తన అభిమానులకు దగ్గరగా ఉండాలని యూట్యూబ్ లో ఒక ఛానెల్ కూడా పెట్టేసింది. అలా తన కెరీర్ లో బిజీ బిజీగా ఉన్న సుమ అప్పుడప్పుడు తన అభిమానులతో సోషల్ మీడియా ద్వారా ముచ్చటిస్తుంటుంది.

అరుదైన చర్మ సంబంధిత రోగంతో సుమ…

అభిమానులు అడిగిన ప్రశ్నలకు సమాధానాలు చెబుతూ తాను చర్మ సంబంధిత వ్యాధితో బాధపడుతున్నట్లు తెలిపింది. కీలాయిడ్ టెండెన్సీ అనే అరుదైన జబ్బుతో సుమ బాధపడుతున్నారు. కీలాయిడ్ టెండెన్సీ అనగా ఏదైనా గాయం అయితే త్వరగా మానిపోయి ఆ గాయం తాలూకు ఆనవాళ్ళు బాగా తెలుస్తాయట.

కెరీర్ మొదట్లో మేకప్ వేసుకోవడం తీసేయడంలో సరైన జాగ్రత్తలు తీసుకోకపోవడం వల్ల ఈ వ్యాధి వచ్చిందని చాలా ఏళ్ళు ఈ వ్యాధితో చాలా ఇబ్బందులు పడ్డానని, నయం చేసుకోడానికి చాలా ప్రయత్నాలు చేసినా ఫలితం లేకుండా పోయిందని చెప్పుకొచ్చింది. మేకప్ వేసుకోవాలంటే చాలా ఇబ్బందులు పడాల్సి వస్తోందని తెలిపింది. ఇక సుమ కెరీర్ పీక్స్ లో ఉంది, ఇక రెమ్యూనరేషన్ విషయంలో కూడా సుమ ఒక్కో ఈవెంట్ కు దాదాపు 2 నుండి 2.5 లక్షలు తీసుకుంటుందని టాక్.