Pushpa Movie: క్రియేటివ్ డైరెక్టర్ సుకుమార్ దర్శకత్వంలో అల్లు అర్జున్ రష్మిక జంటగా పాన్ ఇండియా స్థాయిలో తెరకెక్కిన చిత్రం పుష్ప. ఈ సినిమా డిసెంబర్ 17 వ తేదీ ప్రేక్షకుల ముందుకు వచ్చింది. ఎన్నో అంచనాల నడుమ విడుదలైన ఈ సినిమా బాక్సాఫీస్ వద్ద మిశ్రమ స్పందన దక్కించుకుంది. ఈ క్రమంలోనే ఈ సినిమా ప్రమోషన్ కోసం మేకర్స్ ఈ సినిమా నుంచి వరుస అప్డేట్స్ విడుదల చేస్తున్నారు.
ఇదివరకే ఈ సినిమా నుంచి దాక్కో దాక్కో మేక ఫుల్ వీడియో సాంగ్ ను రిలీజ్ చేశారు. ప్రస్తుతం ఈ వీడియో సాంగ్ సోషల్ మీడియాలో వైరల్ గా మారి మంచి రెస్పాన్స్ దక్కించుకుంటున్న నేపథ్యంలో మేకర్స్ ఈ సినిమా నుంచి డిలీట్ చేసిన సన్నివేశాన్ని విడుదల చేశారు. ఇక ఈ సన్నివేశం కూడా సోషల్ మీడియాలో వైరల్ గా మారింది.
ఇది చూసిన నెటిజన్లు ఎంతో అద్భుతమైన ఈ సీన్స్ డిలీట్ చేయకుండా ఉంటే థియేటర్లు దద్దరిల్లిపోయేవి అంటూ నెటిజన్స్ కామెంట్లు చేస్తున్నారు. అయితే ఈ సన్నివేశాన్ని ఎందుకు డిలీట్ చేశారో తెలియదు కానీ ఇది కనుక సినిమాలో ఉంటే సినిమాకి మరింత హైప్ క్రియేట్ అయ్యేదని పలువురు భావిస్తున్నారు.
Pushpa Movie: బిడ్డ మాట వినదు గొడ్డు మాట వినదు:
ఈ సినిమాలో డిలీట్ చేసిన సన్నివేశంలో పుష్ప తల్లి ఒక వ్యక్తి దగ్గర అప్పు తీసుకుంటుంది. అతను వచ్చి అప్పు తిరిగి చెల్లించాలని అందరి ముందు అవమాన పరుస్తారు. ఈ క్రమంలోనే తన కొడుకు మాట వినడం లేదని తన తల్లి బిడ్డ మాట వినదు.. ఈ గొడ్డు మాటవినదు అంటూ తిడుతుంది. ఇక ఆ అప్పు తీర్చడం కోసం పుష్ప ఆ బర్రెను అమ్మి తనకు అప్పు చెల్లిస్తాడు. ఊరందరి ముందు తనని అప్పు అడుగుతూ వారిని అవమానపరిచిన ఈ విధంగా వారందరికీ తన అప్పులు తీర్చినట్టు తెలిసేలా తనని కొట్టుకుంటూ ఊరంతా తిప్పుతాడు. ప్రస్తుతం ఈ సన్నివేశం సోషల్ మీడియాలో వైరల్ గా మారింది.
