Tag Archives: ap cm ys jagan mohan reddy

Ram Gopal Varma: ఏపీ ప్రభుత్వంపై ఆర్జీవీ విమర్శలు.. దమ్ముంటే అలా చేసి చూపించండి!

Ram Gopal Varma: ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డిపై టాలీవుడ్ వివాదాస్పద దర్శకుడు రామ్ గోపాల్ వర్మ (ఆర్జీవీ) తీవ్ర వ్యాఖ్యలు చేశారు. అతడు షేర్ చేసిన వీడియోలో.. ప్రస్తుతం ఇండస్ట్రీలో కొనసాగుతున్న టికెట్ల వ్యవహారంపై మాట్లాడారు. దివంగత వైఎస్ రాజ శేఖర్ రెడ్డి కుమారుడు కాకపోతే వైఎస్ జగన్ భారీ సంఖ్యలో ఓట్లను సాధిస్తారా అని ప్రశ్నించారు.

వైఎస్ రాజశేఖర్ రెడ్డి పట్ల ప్రజల్లో ఉన్న భావన వల్లనే ప్రజలు వైఎస్ జగన్‌కు ఓట్లు వేశారని అన్నారు. వినియోగదారుల(సినిమా టికెట్ల) సంతృప్తిపై ఆయన కొన్ని ఘాటు వ్యాఖ్యలు చేశారు. వైఎస్‌ఆర్‌సీపీకి పట్టం కట్టిన ప్రజలు తమ పాలనపై నిస్సహాయత వ్యక్తం చేస్తే మీరు దిగిపోతారా..? సినిమా రేట్ల వ్యవహారంలో మీ విధానం అలాగే ఉందని విపర్శలకు దిగాడు.

ఉత్పత్తికి, వినియోదారుడికి మధ్య ప్రభుత్వం జోక్యం ఎందుకు?. బాహుబలిని రూ.50 కోట్లతో తీస్తే.. నేను ఐస్ క్రీమ్ ను రూ.5లక్షలతో తీస్తాను. రెండిటికి ఒకటే మూవీ రేట్ అంటే అది మొత్తం మార్కెట్ ని నాశనం చేస్తోంది. టికెట్లు కొనే వినియోగదారుడు ఇబ్బంది పడకూడదని.. ప్రభుత్వం అంటుంది.. కదా.. ఏదో ఒక సినిమాను మీరు తీసి.. థియేటర్లలో ఫ్రీగా వేసేయండి అంటూ విరుచుకుపడ్డాడు.

మీకు అంత కెపాసిటీ లేనప్పుడు.. అదే కెపాసిటీ ఉన్న వ్యక్తులు తీసే సినిమాలకు ఇలాంటివి పెట్టడం సరికాదన్నారు. ఇటీలవల పేర్నీ నాని మాట్లాడుతూ.. సినిమా నచ్చకపోతే ఎవరి డబ్బులు వాళ్లకి ఇస్తారా అని అన్నారు..? మనం ఏదైనా హోటల్ కి వెళ్లి.. ఇష్టం వచ్చింది తిని.. బిల్ నచ్చలేదని కట్టకుండా బయటకు వస్తే ఎలా ఉంటుంది.. సేమ్ సినిమాలో కూడా అంతే అంటూ చెప్పుకొచ్చాడు ఆర్జీవీ.

ప్రతీ సమస్యకు పరిష్కారం తీసుకురావాలి కానీ..

ఏదైనా కూర వండినప్పుడు ఆ కూరగాయ చూసి బాగాలేదు అని చెప్పడానికి.. ఆ కూర రుచి చూసి బాగాలేదు అని చెప్పడానికి చాలా తేడా ఉంటుందని లాజికల్ గా మాట్లాడారు. ప్రభుత్వం అంటే ప్రతీ సమస్యకు పరిష్కారం తీసుకురావాలి కానీ.. సమస్యల్లోకి నెట్టోద్దు అంటూ చెప్పుకొచ్చాడు. అందరూ కూర్చొని మాట్లాడుకుంటే.. కేవలం ఐదు నిమిషాల్లో సమస్యకు పరిష్కారం లభిస్తుందన్నారు. కానీ హీరో నాని ఎదో అన్నాడని.. సిద్ధార్థ్ ఏదో అన్నాడని.. ఎవరికి వచ్చినట్లు వాళ్లు మాట్లాడితే సమస్య పరిష్కారం కాదని అన్నాడు. అతడు మాట్లాడిన ఈ వీడియో ప్రస్తుతం సోషల్ మీడియాలో వైరల్ గా మారింది.

గ్రామ వాలంటీర్లకు షాకింగ్ న్యూస్.. వారిని తొలగించనున్న జగన్ సర్కార్..?

ఏపీలో అధికారంలో ఉన్న జగన్ సర్కార్ రాష్ట్రంలో అధికారంలోకి వచ్చిన వెంటనే ప్రభుత్వ పథకాలను ప్రజల ఇళ్ల దగ్గరకు చేర్చాలనే ఉద్దేశంతో గ్రామ, వార్డ్ వాలంటీర్ల నియామకం చేపట్టిన సంగతి తెలిసిందే. ప్రభుత్వం వీరికి 5,000 రూపాయల చొప్పున వేతనం చెల్లిస్తోంది. గ్రామ, వార్డ్ వాలంటీర్ల వ్యవస్థ ద్వారా రాష్ట్రంలో అర్హులైన వారందరికీ ప్రభుత్వ పథకాలు నేరుగా అందుతున్నాయి. అయితే తాజాగా జగన్ సర్కార్ కీలక నిర్ణయం తీసుకుంది.

నిబంధనలకు విరుద్ధంగా రాష్ట్రంలో విధులు నిర్వహిస్తున్న గ్రామ, వార్డ్ వాలంటీర్లను తొలగించాలని అధికారులను ఆదేశించింది. జగన్ సర్కార్ రాష్ట్రంలో 18 సంవత్సరాల నుంచి 35 సంవత్సరాల మధ్య వయస్సు ఉన్నవాళ్లు మాత్రమే గ్రామ, వార్డ్ వాలంటీర్ల ఉద్యోగాలు చేయడానికి అర్హులని పేర్కొంది. ఎవరైనా ఉద్యోగంలో చేరి 35 సంవత్సరాల వయస్సు దాటితే వాళ్లు విధులకు దూరం కావాల్సి ఉంటుంది.

అయితే రాష్ట్రంలో కొందరు నిబంధనలకు విరుద్ధంగా ఉద్యోగంలో చేరినట్లు తేలడంతో ప్రభుత్వం వారిని తొలగించడానికి సిద్ధమైనట్లు తెలుస్తోంది. గ్రామ, వార్డ్ వాలంటీర్ల ఉద్యోగంలో చేరడానికి 18 సంవత్సరాల వయస్సు ఉండాలి కానీ కొందరు విద్యార్థులు నిబంధనలకు విరుద్ధంగా ఉద్యోగంలో చేరారు. దీంతో 18 సంవత్సరాల లోపు ఉన్న వాలంటీర్లను, 35 సంవత్సరాల వయస్సు దాటిన వాలంటీర్లను ప్రభుత్వం ఉద్యోగాల నుంచి తొలగిస్తోంది.

రాష్ట్రవ్యాప్తంగా ప్రస్తుతం దాదాపు 2.70 లక్షల మంది గ్రామ, వార్డ్ వాలంటీర్లు విధులు నిర్వహిస్తున్నారు. ప్రభుత్వం అర్హులు కాని వారిని తొలగించమని ఆదేశాలు జారీ చేసిన నేపథ్యంలో అధికారులు ఇప్పటికే తొలగింపు ప్రక్రియను ప్రారంభించారని సమాచారం.

ఏపీ ప్రజలకు జగన్ సర్కార్ శుభవార్త.. పింఛన్ పెరిగేది ఎప్పుడంటే..?

ఏపీ సీఎం వైఎస్ జగన్మోహన్ రెడ్డి పెన్షన్ తీసుకునే వాళ్లకు శుభవార్త చెప్పారు. రాష్ట్రంలో పింఛన్ ఎప్పటినుంచి పెరుగుతుందనే అంశం గురించి స్పష్టతనిచ్చారు. రాష్ట్రంలో ప్రస్తుతం 2,250 రూపాయలు పింఛన్ ఇస్తున్నామని ఆ పింఛన్ ను 2,500 రూపాయలకు పెంచుతున్నట్టు సీఎం జగన్ వెల్లడించారు. అధికారంలోకి వచ్చిన తరువాత వృద్ధాప్య పింఛన్ వయస్సును 65 సంవత్సరాల నుంచి 60 సంవత్సరాలకు తగ్గించామని సీఎం చెప్పారు.

ఎన్నికల ముందు ఇచ్చిన హామీ ప్రకారం రాష్ట్రంలో పింఛన్ పెంపు జరుగుతుందని వెల్లడించారు. ఎన్నికల ముందు వైసీపీ మేనిఫెస్టోలో 2,000 రూపాయల నుంచి 3,000 రూపాయల వరకు పింఛన్ పెంచుకుంటూ పోతామని పేర్కొందని ఆ హామీ ప్రకారం పింఛన్ ను పెంచుకుంటూ పోతున్నామని పేర్కొన్నారు. అధికారంలోకి వచ్చిన వెంటనే పింఛన్ పెంచామని మళ్లీ జులై 8 2021న పింఛన్ పెంపు ఉంటుందని తెలిపారు.

గత ప్రభుత్వం 44 లక్షల మందికి మాత్రమే పింఛన్ పంపిణీ చేసిందని తమ ప్రభుత్వం 61 లక్షల మందికి పింఛన్ ఇస్తోందని సీఎం జగన్ పేర్కొన్నారు. ఎన్నికల ముందు ఇచ్చిన ప్రతి హామీని ఒక్కొక్కటిగా అమలు చేస్తూ వస్తున్నామని తెలిపారు. సీఎంగా పింఛన్ల పెంపుపై తొలి సంతకం చేశానని అప్పటినుంచి రాష్ట్రంలో 2,250 రూపాయల పింఛన్ పంపిణీ జరుగుతోందని జగన్ పేర్కొన్నారు.

మళ్లీ 2021 సంవత్సరం జులై 8వ తేదీ తరువాత నుంచి 2,500 రూపాయల పింఛన్ ఇస్తామని తెలిపారు. టీడీపీ ఎమ్మెల్యే నిమ్మల రామానాయుడుపై జగన్ అసెంబ్లీలో తీవ్రస్థాయిలో మండిపడ్డారు. పదే పదే అబద్దాలు చెబుతూ సభను నిమ్మల రామానాయుడు తప్పుదారి పట్టిస్తున్నాడని పేర్కొన్నారు.

జగన్ క్రిస్టియన్ అని ఎలా చెబుతున్నారు.. ఏపీ హైకోర్టు సూటి ప్రశ్న..?

ఏపీ సీఎం వైఎస్ జగన్మోహన్ రెడ్డి తిరుమలలో పట్టువస్త్రాలు సమర్పించే సమయంలో డిక్లరేషన్ ఇవ్వకపోవడం గురించి అధికార ప్రతిపక్ష పార్టీల మధ్య మాటల యుద్ధం జరిగిన సంగతి తెలిసిందే. అయితే జగన్ డిక్లరేషన్ ఇవ్వకపోవడంతో గుంటూరు జిల్లా అమరావతికి చెందిన సుధాకర్ బాబు అనే వ్యక్తి హైకోర్టును ఆశ్రయించారు. నిబంధనలు పాటించని పక్షంలో ఏ అధికారంతో సీఎం జగన్ మంత్రులు కొడాలి నాని, వెల్లంపల్లి శ్రీనివాస్, టీటీడీ ఛైర్మన్‌ వైవీ సుబ్బారెడ్డి, మాజీ ఈవో టీటీడీ ఛైర్మన్‌ వైవీ సుబ్బారెడ్డి, ఆయా పోస్టుల్లో కొనసాగుతున్నారో వివరణ ఇవ్వాలని కోవారెంటో పిటిషన్ దాఖలు చేశారు.

అయితే ఈ పిటిషన్ ను విచారణకు స్వీకరించిన హైకోర్టు ఒకింత ఘాటు వ్యాఖ్యలు చేసింది. పిటిషనర్ దాఖలు చేసిన పిటిషన్ గురించి విభేదించడంతో పాటు ప్రతివాదిగా గవర్నర్ పేరును చేర్చడంపై కోర్టు తీవ్ర అభ్యంతరం వ్యక్తం చేసింది. పిటిషనర్‌ తరఫు లాయర్ హిందువులకు మాత్రమే తిరుమలలో ప్రవేశం ఉంటుందని.. దేవాదాయశాఖ చట్ట నిబంధన 136, 137 ప్రకారం అన్య మతస్తులు డిక్లరేషన్ ఇవ్వాలని ఉందని చెప్పారు.

సీఎం జగన్ డిక్లరేషన్ ఇవ్వకుండా దేవాదాయ చట్టంలోని సెక్షన్‌ 97, 153లకు విరుద్ధంగా వ్యవహరించారని పేర్కొన్నారు. జడ్జి లాయర్ ను సీఎం జగన్ క్రిస్టియన్ అని చెప్పేందుకు ఆధారాలు చూపించాలని ప్రశ్నించింది. సరైన ఆధారాలు చూపకుండా సీఎం మతం గురించి వ్యాఖ్యానించడం సరికాదని పేర్కొంది. హైకోర్టు సీఎంను కులం గురించి అడగదని.. వ్యాజ్యం దాఖలు చేసిన వాళ్కే ఆధారాలు చూపించాల్సి ఉంటుందని పేర్కొంది.

జగన్ క్రిస్టియన్ అని ప్రూవ్ చేసేందుకు గడువు ఇస్తామని పూర్తి వివరాలు లేకుండా పిటిషన్ విచారణ ముందుకు వెళ్లదని చెబుతూ హైకోర్టు విచారణను ఈ నెల 22కు వాయిదా వేసింది.

జగన్ సంచలనం.. విద్యార్థుల తల్లుల ఖాతాల్లో నగదు జమ!

ఏపీలో అధికారంలో ఉన్న జగన్ సర్కార్ నేటి నుంచి రాష్ట్రంలో జగనన్న విద్యా కానుక పథకాన్ని అమలు చేయనున్న సంగతి తెలిసిందే. కృష్ణా జిల్లా పునాదిపాడులో ప్రభుత్వం ఈ పథకాన్ని ప్రారంభించనుంది. ఈరోజు ఉదయం 10.20 గంటలకు పునాదిపాడుకు చేరుకుని జగన్ మొదట నాడు నేడు పనులను పరిశీలించనున్నారు. ఆ తరువాత విద్యార్థులతో వివిధ అంశాలకు సంబంధించి ముచ్చటించనున్నారు.

అనంతరం సీఎం జగన్ విద్యార్థులకు జగనన్న విద్యా దీవెన కిట్లను అందించనున్నారు. ప్రతి విద్యార్థికి ప్రభుత్వం స్కూల్ బ్యాగ్, జత బూట్లు, మూడు జతల యూనిఫాం, సాక్సులు, టెక్స్ట్ బుక్స్, ప్రాథమిక పాఠశాలల విద్యార్థులకు వర్క్ బుక్స్ అందించనుంది. ప్రభుత్వం విద్యార్థులకు స్టూడెంట్ కిట్ ఇస్తూ ఉండటంపై ప్రశంసలు వ్యక్తమవుతున్నాయి. దేశంలో ఇలా విద్యార్థులకు కిట్లు అందిస్తున్న ప్రభుత్వం జగన్ సర్కార్ మాత్రమే కావడంతో ప్రభుత్వంపై ప్రశంసల వర్షం కురుస్తోంది.

మరోవైపు జగన్ సర్కార్ విద్యార్థుల తల్లుల ఖాతాలలో నగదు జమ చేయడానికి సిద్ధమవుతోంది. యూనీఫాం కుట్టుకూలి కోసం ప్రభుత్వంనగదు జమ చేయనుంది. ఇందుకోసం జగన్ సర్కార్ 650 కోట్ల రూపాయలు ఖర్చు చేయనుందని తెలుస్తోంది. 42,34,322 మంది విద్యార్థులు జగనన్న విద్యాదీవెన పథకం ద్వారా లబ్ధి చేకూరనుంది. ఇప్పటికే వసతి గృహాలు, గురుకులాలు, కేజీబీవీల్లో చదివే విద్యార్థులకు కిట్లు అందాయని సమాచారం.

రాష్ట్ర పాఠశాల విద్యాశాఖ సంచాలకులు చినవీరభద్రుడు మాట్లాడుతూ విద్యార్థులకు కిట్ రాకపోయినా, కిట్ లో వస్తువులు మిస్ అయినా ఆందోళన చెందకుండా స్కూల్ హెడ్ మాస్టర్ లేదా మండల విద్యాశాఖ అధికారిని సంప్రదించాలని సూచనలు చేసింది. కిట్లకు సంబంధించి ఏవైనా సమస్యలు ఉంటే 91212 96051, 91212 96052 నంబర్లకు ఫోన్ చేసి సమాచారం ఇవ్వాలని ఉదయం 10 గంటల నుంచి సాయంత్రం 6 వరకు ఫోన్ లైన్లు అందుబాటులో ఉంటాయని వెల్లడించారు.