Sitaramam Movie: హను రాఘవపూడి దర్శకత్వంలో దుల్కర్ సల్మాన్, మృణాల్ ఠాకూర్ జంటగా నటించినటువంటి చిత్రం సీతారామం. ఈ సినిమా ఆగస్టు 5వ తేదీ విడుదలయ్యి ఊహించని విధంగా కలెక్షన్లను రాబట్టింది.ఈ సినిమా కేవలం తెలుగులో మాత్రమే కాకుండా తమిళం మలయాళం భాషలలో కూడా మంచి విజయం సొంతం చేసుకోవడంతో ఈ సినిమాని హిందీలో డబ్ చేసి విడుదల చేశారు.

ఇలా సెప్టెంబర్ రెండవ తేదీ హిందీలో విడుదలైన ఈ సినిమా అక్కడ కూడా మంచి కలెక్షన్లను రాబడుతుంది.అందమైన ప్రేమ కథ చిత్రాన్ని ఎంతో అద్భుతంగా ప్రేక్షకుల ముందుకు తీసుకురావడంతో ఈ సినిమా ఫస్ట్ షో తోనే పాజిటివ్ టాక్ సొంతం చేసుకుని పెద్ద ఎత్తున ప్రేక్షకులను థియేటర్లకు రప్పించింది. ఇకపోతే ఈ సినిమాలో సుమంత్, భూమిక, తరుణ్ భాస్కర్, రష్మిక వంటి సెలబ్రిటీలు సందడి చేశారు.

ఇక ఈ సినిమాలో రష్మిక పాకిస్తాన్ అమ్మాయి పాత్రలో కనిపించారు.ఇకపోతే తాజాగా ఈ సినిమాలో డిలీట్ చేసిన ఒక సన్నివేశాన్ని సోషల్ మీడియా వేదికగా విడుదల చేయడంతో ఈ వీడియో ప్రస్తుతం వైరల్ అవుతుంది.ఈ వీడియో చూసిన నేటిజన్స్ ఇంత అద్భుతమైన సన్నివేశాన్ని ఎందుకు డిలీట్ చేశారు అంటూ సందేహం వ్యక్తం చేస్తున్నారు. మరి ఈ సీన్ లో ఏముంది అనే విషయానికి వస్తే…

Sitaramam Movie: ఇండియా పరువును మీ దేశానికి పంపలేను…

రష్మిక సీతామహాలక్ష్మి కోసం వెతుకుతూ ఒక కాలేజ్ కి వెళుతుంది. ఇలా ఆమె టాక్సీలో వెళ్లగా టాక్సీ లోనే తన పర్స్ పాస్ పోర్ట్ మొత్తం మర్చిపోయి వెళ్తుంది. లోపలికి వెళ్లిన కొద్దిసేపటికి తనకు ఈ విషయం గుర్తు రావడంతో హడావుడిగా బయటకు వస్తుంది.అయితే అప్పటికి ఇంకా టాక్సీ డ్రైవర్ అక్కడే ఉండడంతో ఇంకా ఇక్కడే ఉన్నావా నీలాంటి వాళ్ళు ఇంకా ఇండియాలో ఉన్నారన్నమాట అని రష్మిక మాట్లాడుతుంది. ఆ మాటలు విన్న టాక్స్ డ్రైవర్ ఇండియాలో అందరూ నాలాంటి వాళ్లే ఉన్నారు.మీ పర్స్ నేను తీసుకెళ్లి ఇండియా పరువును మీతో పాటు మీ దేశానికి పంపించలేను మేడం అంటూ తనకు ఇస్తారు. ఇలా ఎంతో అద్భుతమైన డైలాగ్స్ ఉన్నటువంటి ఈ సన్నివేశం ప్రస్తుతం వైరల్ అవుతుంది.