Samantha: ఆ విషయంలో స్టార్ హీరోలను వెనక్కి నెట్టి మొదటి స్థానంలో నిలిచిన సమంత..?

Samantha: సౌత్ ఇండస్ట్రీలో స్టార్ హీరోయిన్ గా కొనసాగుతున్న అందాల ముద్దుగుమ్మ సమంత గురించి ప్రత్యేకంగా పరిచయం చేయాల్సిన అవసరం లేదు. తెలుగు, తమిళ్ , కన్నడ భాషలలో ఎందరో స్టార్ హీరోల సరసన నటించిన ఆకట్టుకున్న సమంత ఇండస్ట్రీలో స్టార్ హీరోయిన్గా కొనసాగుతుంది. అంతేకాకుండా మరొకవైపు బాలీవుడ్ తో పాటు బాలీవుడ్ నుండి కూడా అవకాశాలు అందుకుంటుంది.

హిట్ ప్లాప్ లతో సంబంధం లేకుండా తనకు ప్రాధాన్యత ఉన్న పాత్రలలో నటిస్తూ బిజీగా ఉంది. ఇదిలా ఉండగా తాజాగా సమంత మరొక అరుదైన రికార్డు సొంతం చేసుకుంది. IMDB వారు అత్యంత ప్రజాదరణ పొందిన భారతీయ తారల జాబితాని ప్రకటించగా సమంత మొదటి స్థానంలో నిలిచింది. ఇండియన్ మూవీ డేటాబేస్ వారు ప్రకటించిన ఈ జాబితాలో మోస్ట్ పాపులర్ ఇండియన్ సెలబ్రిటీగా సమంత మొదటి స్ధానంలో నిలవడం విశేషం.

ఇదే జాబితా గతంలో రిలీజ్ చేయగా తొమ్మిదో స్థానంలో నిలిచిన సమంత.. ఇప్పుడు తొలి స్థానం కైవసం చేసుకుంది. IMDB ప్రకటించిన జాబితాలో అల్లు అర్జున్, దుల్కర్ సల్మాన్ వంటి స్టార్ హీరోలను కూడా వెనక్కి నెట్టి సమంత అగ్ర స్థానంలో మొదటిగా నిలవటంతో అభిమానులు ఆనందం వ్యక్తం చేస్తున్నారు.
ప్రపంచ వ్యాప్తంగా విడుదలైన సినిమాలు, వెబ్ సిరీసులకు వచ్చిన ప్రేక్షక ఆదరణను బట్టి ఈ ఇండియన్ మూవీ డేటాబేస్ (IMDB) రేటింగ్స్ ఇస్తారు.

Samantha: మొదటి స్థానంలో సమంత

ఆడియన్స్ రెస్పాన్స్ ని బట్టి పాపులర్ స్టార్ ఎవరని నిర్ణయిస్తారు. అయితే ఈ లిస్టులో సమంతకు అగ్ర స్థానం రావడం ఆమె క్రేజ్ కి నిదర్శనంగా మారింది. సౌత్ ఇండస్ట్రీలో స్టార్ హీరోయిన్గా గుర్తింపు పొందిన సమంత పుష్ప సినిమాలో స్పెషల్ సాంగ్ లో నటించి దేశవ్యాప్తంగా మంచి క్రేజ్ సొంతం చేసుకుంది. ఆ తర్వాత పాన్ ఇండియా స్థాయిలో వెబ్ సిరీస్ లలో నటించి ఆకట్టుకుంది. దీంతో ఇటీవల విడుదలైన ఇండియన్ మూవీ డేటాబేస్ లో సమంత మొదటి స్థానం దక్కించుకుంది.