జబర్దస్త్ తో కమెడియన్ గా పరిచయమై స్టార్ కమెడియన్ గా నిలిచాడు సుడిగాలి సుధీర్. తన కామెడీ తో బాగా సందడి చేస్తుంటాడు. వెండితెరపై కూడా పలు సినిమాలలో హీరోగా అవకాశాలు అందుకున్నాడు. ఏ కామెడీ షో లోనైనా సుడిగాలి సుధీర్ ఉంటే అక్కడ సందడి ఉండాల్సిందే. ఇక ఈయనకున్న అభిమానులు కూడా అంతా ఇంతా కాదు. సోషల్ మీడియాలో కూడా బాగా యాక్టివ్ గా ఉంటాడు.

ఇక జబర్దస్త్ లో యాంకర్ రష్మీ తో ఉండే విధానం గురించి అందరికీ తెలిసిందే. తనతో ఎంతగా రచ్చ చేస్తాడో చూస్తూనే ఉంటాం. గతంలో వీరిద్దరి మధ్య ప్రేమ నడుస్తుందని త్వరలోనే పెళ్లి చేసుకుంటారని తెగ వార్తలు వినిపించాయి. కానీ అవన్నీ పుకార్లని కేవలం ఎంటర్ టైన్ మెంట్ కోసం అలా చేస్తామని పలు ఇంటర్వ్యూలలో పాల్గొన్నప్పుడు తెలిపారు. జబర్దస్త్ లోనే కాకుండా ఈటీవీలో ప్రసారమవుతున్న ఢీ షో లో కూడా టీమ్ లీడర్ గా పని చేస్తున్నాడు. ఈ మధ్య మరో కొత్త షో శ్రీదేవి డ్రామా కంపెనీ లో కూడా చేస్తున్నాడు సుధీర్. ఇదిలా ఉంటే బుల్లితెర నటితో సుధీర్ పెళ్లి జరుగగా ప్రస్తుతం అది వైరల్ గా మారింది.

శ్రీదేవి డ్రామా కంపెనీ ప్రోగ్రాంలో చాలా మంది సెలబ్రెటీలు పాల్గొంటున్నారు. ఇక ఇందులో ఓ స్కిట్ చేయగా అందులో సీరియల్ నటి నవ్య స్వామి కూడా పాల్గొన్నది. ఇక ఇందులో ఇమ్మానియేల్ ను పిలిచి నవ్య అంటే ఇష్టమని చెప్పాడు సుధీర్. దీంతో అక్కడే పెళ్లి చూపుల కార్యక్రమం ఏర్పాటు చేసి పెళ్లి కూడా చేసేశారు. ఈ పెళ్లికి పెద్దగా హైపర్ ఆది ఉండగా.. తీరా పెళ్లాయక మరో కమెడియన్ రాంప్రసాద్ ఫస్ట్ నైట్ ఉండదని షాక్ ఇచ్చాడు. దీంతో సుధీర్ బిత్తిరి పోగా ఇదంతా డ్రామా అని అనేసరికి మరింత షాక్ అవుతాడు సుధీర్.