Manchu Family: గత కొద్ది రోజులుగా మంచు ఫ్యామిలీ తరచుగా వార్తల్లో నిలుస్తున్న సంగతి మనందరికీ తెలిసిందే. తరచూ ఏదో ఒక వార్తతో మంచు ఫ్యామిలీలో ఎవరో ఒకరు వార్తల్లో నిలుస్తూనే ఉన్నారు. ఇక ఇటీవలే మంచు విష్ణు, మోహన్ బాబు వద్ద హెయిర్ డ్రెస్సర్ గా పనిచేస్తున్న నాగ శ్రీను అనే వ్యక్తి మంచు వారి ఆఫీసులో 5 లక్షల రూపాయలు విలువ చేసే వస్తువులను దొంగలించాడు అంటూ పోలీసులు ఫిర్యాదు చేసిన విషయం తెలిసిందే. కేసు నమోదు చేసుకున్న పోలీసులు నాగ శ్రీను ని అదుపులోకి తీసుకొని విచారించగా విస్తూ పోయే విషయాలు వెలుగులోకి వచ్చాయి.

అంతేకాకుండా ఈ విషయంపై నాగ శ్రీను ఒక సెల్ఫీ వీడియో ని సోషల్ మీడియాలో పోస్ట్ చేయగా అధికార పక్షాలు వైరల్ అయిపోయింది. ఆ వీడియోలో నాగ శ్రీను తాను ఎటువంటి దొంగతనం చేయలేదని, అనవసరంగా మంచు ఫ్యామిలీ తనపై లేని నిందలు వేస్తోందని తెలిపాడు. అదేవిధంగా తనను మంచు ఫ్యామిలీ వారి చెప్పుకోలేని విధంగా చిత్రహింసలు పెట్టారు అని చెప్పుకొచ్చాడు.అలాగే నాగ శ్రీను ని మోహన్ బాబు కులం పేరుతో దూషించడమే కాకుండా సదరు వ్యక్తి తల్లిని కూడా అసభ్యకర రీతిలో మాట్లాడుతూ ప్రవర్తించాడు అని పోలీసులకు తెలిపాడు.

ఇక నాగ శ్రీను ఆ మాటలు చెప్పిన అప్పటినుంచి ఈ వ్యవహారం మరింత హాట్ టాపిక్ గా మారింది. కొద్ది రోజుల నుంచి ఎక్కడ చూసినా కూడా ఇదే వ్యవహారం గురించి వార్తలు వినిపిస్తున్నాయి. అయితే నాగ శ్రీను ని కులం పేరుతో దూషించిన మోహన్ బాబు, మంచు విష్ణు వెంటనే అతనికి క్షమాపణలు తెలపాలి అన్ని నాయి బ్రాహ్మణ సంఘాలు డిమాండ్ చేస్తున్నాయి. వీరికి మద్దతుగా బీసీ కుల సంఘాల నాయకులు కూడా మద్దతు ఇస్తున్నారు. నాగ శ్రీను కి క్షమాపణ చెప్పకపోతే పరిణామాలు చాలా తీవ్రంగా ఉంటాయి అని హెచ్చరించారు. కానీ క్షమాపణ చెప్పకపోగా ఈ విషయం ఫై స్పందించడం గురించి పక్కన పెడితే అసలు ఈ విషయాన్ని పట్టించుకోవడం లేదు.

క్షమాపణలు తెలియజేయాలి…

దీనితో నాయి బ్రాహ్మణ సంఘాలు మరొకసారి ఈ విషయంపై స్పందించాయి. ఇందులో భాగంగానే ఆంధ్రప్రదేశ్ రాష్ట్రంలోని రాజోలు పరిసర ప్రాంతాల్లో ఉన్నటువంటి కొంతమంది నాయి బ్రాహ్మణ సంఘ నాయకులు ప్రభుత్వ అధికారులను కలిసి మంచు మోహన్ బాబు నాగ శ్రీనుకి క్షమాపణలు తెలపాలి అంటూ వినతి పత్రాన్ని అందజేశారు. అదేవిధంగా నాగ శ్రీను చెప్పిన విషయాలను పరిగణలోకి తీసుకొని అనంతరం విచారణ చేపట్టి నిందితులను కఠినంగా శిక్షించాలి అని కోరాయి నాయి బ్రాహ్మణ సంఘాలు. దీనితో మరొకసారి మంచు బాబు ఫ్యామిలీ వార్తల్లోకెక్కింది. మరి ఈ సారి అయినా ఈ విషయంపై మంచు ఫ్యామిలీ స్పందిస్తుందా లేదా అన్నది చూడాలి మరి. ఈ విధంగా మంచు ఫ్యామిలీలో ఎవరో ఒకరు సోషల్ మీడియాలో నిలుస్తూ ట్రోలింగ్స్ కి గురవుతూ, నెటిజన్స్ ఆగ్రహానికి లోనవుతున్నారు. ఒకసారి మంచు విష్ణు సోషల్ మీడియాలో నిలువగా, మరొకసారి మంచులక్ష్మి, మరోసారి మంచు మోహన్ బాబు ఇలా ఒకరి తర్వాత ఒకరు వార్తల్లో నిలుస్తూనే ఉన్నారు.