Rashmika: సినీ నటుడు విజయ్ దేవరకొండ ప్రస్తుతం పరుశురాం దర్శకత్వంలో దిల్ రాజు నిర్మాణంలో ఫ్యామిలీ స్టార్ అనే సినిమాలో నటిస్తున్న సంగతి మనకు తెలిసిందే. ఈ సినిమా ఏప్రిల్ 5వ తేదీ విడుదల కాబోతుంది అంటూ గత కొద్ది రోజులుగా వార్తలు వచ్చాయి. అయితే అదే రోజు ఎన్టీఆర్ హీరోగా నటిస్తున్న దేవర సినిమా కూడా విడుదల తేదీని ఫిక్స్ చేశారు.
దేవర సినిమా విడుదల వాయిదా పడుతుందని ఆ సినిమా వాయిదా పడితే ఫ్యామిలీ స్టార్ సినిమా విడుదలవుతుందని దిల్ రాజు ఇటీవల వెల్లడించారు. దేవర సినిమా వాయిదా పడిందనే విషయం గురించి అధికారిక ప్రకటన లేకపోయినా దిల్ రాజు మాత్రం ఫ్యామిలీ స్టార్ సినిమాని ఏప్రిల్ 5వ తేదీ విడుదల చేస్తున్నామని అధికారకంగా ప్రకటించారు. దీంతో దేవర వాయిదా పడిందని స్పష్టంగా అర్థమవుతుంది.
ఇక ఈ సినిమా విడుదల తేదీ ప్రకటించడంతో మరోసారి ఈ సినిమా వార్తల్లో నిలిచింది. విజయ్ దేవరకొండ నటిస్తున్నటువంటి ఈ సినిమా ఏప్రిల్ 5వ తేదీ విడుదల అంటే అదే రోజే రష్మిక పుట్టినరోజు కావడంతో ఈ విషయాన్ని సోషల్ మీడియాలో పెద్ద ఎత్తున వైరల్ చేస్తున్నారు.
ఒకే రోజే సెలబ్రేషన్స్… రష్మిక పుట్టినరోజు విజయ్ దేవరకొండ సినిమా విడుదల కావడం ఏంటి ఇది అనుకోకుండా జరిగిందా లేక కావాలనే ఇలా డేట్ ఫిక్స్ చేశారా అంటూ పెద్ద ఎత్తున ఈ పోస్టును వైరల్ చేస్తున్నారు. ఏది ఏమైనా రష్మిక పుట్టినరోజు ఈ సినిమా విడుదలవడంతో ఈ సినిమాకి ఇలా ప్రమోషన్స్ కలిసి వస్తున్నాయని అదే రోజే ఇద్దరూ కలిసి బర్త్ డే సినిమా సెలబ్రేషన్స్ జరుపుకుంటారని అభిమానులు కామెంట్లు చేస్తున్నారు.
Liger Movie: పూరి జగన్నాథ్ దర్శకత్వంలో రౌడీ హీరో విజయ్ దేవరకొండబాలీవుడ్ నటి అనన్య పాండే హీరో హీరోయిన్లుగా నటించిన చిత్రం లైగర్. ఈ సినిమా గత ఏడాది ఆగస్టు 25వ తేదీ పాన్ ఇండియా స్థాయిలో ఎన్నో అంచనాల నడుమ ప్రేక్షకుల ముందుకు వచ్చి డిజాస్టర్ టాక్ సొంతం చేసుకుంది. ఈ సినిమా విడుదల సమయంలో విజయ్ దేవరకొండ కూడా ఎన్నో విమర్శలను ఎదుర్కొన్నారు.ఇకపోతే తాజాగా ఈయన ఖుషి సినిమా ట్రైలర్ లాంచ్ కార్యక్రమంలో భాగంగా లైగర్ డిజాస్టర్ గురించి మొదటిసారి స్పందించారు.
ఈ సందర్భంగా విజయ్ దేవరకొండ లైగర్ సినిమా డిజాస్టర్ గురించి మాట్లాడుతూ…ఒక సినిమా సరిగా ఆడకపోతే నాకు బాధ కలుగుతుంది అలాగని మరొక సినిమా చేయకుండా నన్ను ఆపలేదని తెలిపారు. ఇప్పటివరకు నేను నటించిన సినిమాలలో ఫ్లాప్ సినిమాలు ఉన్నాయి. హిట్ సినిమాలు ఉన్నాయి. ఇకపై చేసే సినిమాలలో కూడా హిట్ సినిమాలు ఉంటాయి. అలాగే ఫ్లాప్ సినిమాలు కూడా ఉంటాయని తెలిపారు. కానీ మా లక్ష్యం మాత్రం మంచి కంటెంట్ ఉన్న సినిమాలను ప్రేక్షకుల ముందుకు తీసుకురావడమేనని తెలియజేశారు..
Liger Movie: పడిన లేచి పరిగెత్తాలి…
నాకు ఫెయిల్యూర్స్ అంటే భయం నిజానికి అవి మనల్ని చాలా హర్ట్ చేస్తాయి కానీ మరొక సినిమాని చేయకుండా మాత్రం ఆపలేవు. నేను కింద పెడతానని భయం లేదు.. పడితే బాధపడతా కానీ నేను పరిగెత్తకుండా ఆపలేరు పడి లేచి పరిగెడతాను జీవితంలో కూడా అంతేను అంటూ ఈ సందర్భంగా విజయ్ దేవరకొండ చేసినటువంటి ఈ కామెంట్స్ సోషల్ మీడియాలో వైరల్ అవుతున్నాయి. ఇక లైగర్ సినిమా తర్వాత విజయ్ దేవరకొండ ఖుషి సినిమా ద్వారా ప్రేక్షకుల ముందుకు రాబోతున్నారు. ఈ సినిమా సెప్టెంబర్ ఒకటవ తేదీ విడుదల కానున్న నేపథ్యంలో ప్రమోషన్ కార్యక్రమాలను నిర్వహిస్తున్నారు. ఇందులో విజయ్ దేవరకొండకు జోడిగా సమంత నటించిన సంగతి తెలిసిందే.
Liger Movie: ఎలాంటి సినీ బ్యాగ్రౌండ్ లేకుండా ఇండస్ట్రీలోకి అడుగుపెట్టి స్టార్ హీరోగా ఎంతో మంచి సక్సెస్ అందుకున్నారు నటుడు విజయ్ దేవరకొండ. ఇలా ఇండస్ట్రీలో హీరోగా ఎంతో మంచి సక్సెస్ అందుకున్నటువంటి ఈయన గత ఏడాది లైగర్ సినిమా ద్వారా ప్రేక్షకుల ముందుకు వచ్చారు. ఈ సినిమా ఎన్నో అంచనాల నడుమ అత్యంత భారీ బడ్జెట్ సినిమాగా పాన్ ఇండియా స్థాయిలో ప్రేక్షకుల ముందుకు వచ్చింది.
ఈ క్రమంలోనే ఈ సినిమా గత ఏడాది ఆగస్టు 25వ తేదీ విడుదలైంది అయితే ఈ సినిమా విడుదలకు ముందు సినిమాపై భారీ అంచనాలను పెంచుతూ ప్రమోషన్ కార్యక్రమాలు చేశారు కానీ ఈ సినిమా ఫస్ట్ డే ఫస్ట్ షో పడగానే ఈ సినిమా జాతకం ప్రేక్షకులకు అర్థమయిపోయింది. ఈ సినిమా డిజాస్టర్ అంటూ రిజల్ట్ ఇచ్చేసారు.
ఈ విధంగా ఎంతో కష్టపడి ఎంతో ఎఫర్ట్ పెట్టి పాన్ ఇండియా స్థాయిలో విజయ్ దేవరకొండ ఈ సినిమాని ప్రేక్షకుల ముందుకు తీసుకువచ్చి ప్రేక్షకులు డిజాస్టర్ అనగానే ఆయన రియాక్షన్ గురించి తాజాగా తన తమ్ముడు ఆనంద్ దేవరకొండ చేసిన కామెంట్స్ వైరల్ అవుతున్నాయి.ప్రస్తుతం ఆనంద్ దేవరకొండ బేబీ ప్రమోషన్ కార్యక్రమాలలో బిజీగా ఉన్నారు.
Liger Movie: సినిమాలంటే అన్నయ్యకు పిచ్చి…
ఈ సందర్భంగా ఈయన మాట్లాడుతూ లైగర్ సినిమా ఫ్లాప్ అని టాక్ వచ్చిన తర్వాత దాని గురించి అన్నయ్య విజయ్ దేవరకొండ ఏ మాత్రం ఆలోచించలేదని,ఆరోజు సాయంత్రానికల్లా ఆయన తన తదుపరి సినిమా ఖుషి సినిమా కోసం తన ప్రయత్నాలు మొదలుపెట్టి ఆ సినిమా పనులలో బిజీ అయ్యారని ఆనంద్ దేవరకొండ తెలిపారు. అన్న సినిమాలు ఫ్లాప్ అయినా కూడా.. ఇప్పటివరకు అన్నపెట్టిన ఎఫర్ట్స్ మీద ఎవరు వేలు ఎత్తి చూపలేరు. అంతగా అన్నయ్యకి సినిమాలంటే ఇష్టం అంటూ ఈయన చేసిన కామెంట్స్ వైరల్ అవుతున్నాయి.
Rashmika: నేషనల్ క్రష్ రష్మిక మందన్న ఏప్రిల్ 5వ తేదీ తన పుట్టినరోజు వేడుకలను జరుపుకున్నారు. ఇలా ఈమె పుట్టినరోజు కావడంతో పెద్ద ఎత్తున సెలబ్రిటీలు అభిమానులు తనకు సోషల్ మీడియా వేదికగా శుభాకాంక్షలు తెలియజేశారు.ఇలా తన పుట్టినరోజుకు శుభాకాంక్షలు తెలిపిన వారందరికీ ఈమె థాంక్యూ చెబుతూ ఒక వీడియోని షేర్ చేశారు.
ఈ విధంగా రష్మిక థాంక్యూ చెబుతూ షేర్ చేసిన ఈ వీడియో ద్వారా మరోసారి విజయ్ దేవరకొండతో డేటింగ్ రూమర్స్ బయటకు వచ్చాయి.ఇదివరకు వీరిద్దరూ కలిసి పలు వెకేషన్లకు వెళుతూ ఎంజాయ్ చేస్తున్నారని వీరిద్దరూ డేటింగ్ లో ఉన్నారంటూ వార్తలు చక్కర్లు కొట్టాయి అయితే ఈ వార్తలను ఎప్పటికప్పుడు రష్మిక ఖండిస్తూ ఉన్నారు.
తాజాగా పుట్టినరోజు సందర్భంగా మరోసారి వీరిద్దరూ దొరికిపోయారు. ఈ క్రమంలోనే రష్మిక షేర్ చేసిన వీడియోలో ఉండే బ్యాక్ గ్రౌండ్ తాజాగా విజయ్ దేవరకొండ షేర్ చేసిన ఫోటోలోని బ్యాగ్రౌండ్ ఒకటే కావడంతో వీరిద్దరూ పుట్టినరోజు వేడుకలను ఒకే చోటే సెలబ్రేట్ చేసుకున్నారని వార్తలు తెరపైకి వచ్చాయి. అలాగే ఈ వీడియోలో రష్మిక తన చూపుడు వేలికి ఉంగరం పెట్టుకోవడంతో అది విజయ్ దేవరకొండ గిఫ్ట్ చేశారంటూ పలువురు కామెంట్లు చేస్తున్నారు.
Rashmika: అతిగా ఆలోచించకు…
ఇక ఇదే విషయం పైసౌత్ డిజిటల్ మీడియా ఒక పోస్ట్ చేయడంతో వెంటనే రష్మిక స్పందించారు. అయ్యో బాబు నువ్వు అతిగా ఆలోచించకు అంటూ ఈమె కూల్ గా సమాధానం చెప్పారు.అయితే రష్మిక ఎప్పుడు విజయ్ తో డేటింగ్ రూమర్స్ ఖండించిన ఎప్పుడూ కూడా సీరియస్ గా చెప్పలేదు ఇలా లైట్ గా తీసుకోవడంతో ఇద్దరి గురించి వస్తున్నటువంటి ఈ డేటింగ్ రూమర్స్ నిజమేనని మరికొందరు కామెంట్లు చేస్తున్నారు.
Anchor Anasuya: బుల్లితెర యాంకర్ గా ఎంతో మంచి పేరు ప్రఖ్యాతలు సంపాదించుకున్న అనసూయ గురించి ప్రత్యేకంగా పరిచయం అవసరం లేదు. జబర్దస్త్ యాంకర్ గా ఎంతో మంచి గుర్తింపు సంపాదించుకున్న అనసూయ వెండితెరపై అవకాశాలను అందుకొని ఇండస్ట్రీలో కూడా ఎంతో బిజీగా ఉన్నారు. అయితే గత వారం రోజుల నుంచి అనసూయ సోషల్ మీడియా వార్తల్లో నిలుస్తున్నారు.
విజయ్ దేవరకొండ నటించిన లైగర్ సినిమా ఫ్లాప్ కావడంతో ఈమె పరోక్షంగా విజయ్ దేవరకొండను ఉద్దేశిస్తూ చేసిన ట్వీట్ సంచలనం రేపింది.ఈ క్రమంలోనే విజయ్ దేవరకొండ అభిమానులతో పాటు నేటిజెన్లు సైతం అనసూయ పై తీవ్ర స్థాయిలో విమర్శలు చేశారు. ఇక ఈమెను ఏకంగా ఆంటీ అంటూ పెద్ద ఎత్తున ట్రోల్ చేశారు.ఈ విధంగా తనని ఆంటీ అన్న వారిపై ఈమె కేసు వేస్తానంటూ ఏకంగా సైబర్ క్రైమ్ పోలీసులను ఆశ్రయించారు.
ఇలా నెటిజన్లతో తీవ్రస్థాయిలో గొడవకు దిగిన అనసూయ ఇక ఈ విషయంపై మర్చిపోయినప్పటికీ నెటిజెన్స్ మాత్రం అనసూయను ఇప్పటికి దారుణంగా ఆంటీ అంటూ పెద్ద ఎత్తున ట్రోల్ చేస్తున్నారు.ఇకపోతే తాజాగా అనసూయ విజయవాడలో తన ఫ్యామిలీతో కలిసి పలు పూజ కార్యక్రమాలలో పాల్గొన్నారు.ఈ ఫోటోలను సోషల్ మీడియాలో షేర్ చేస్తూ విజయవాడ అని క్యాప్షన్ పెట్టగా ఎంతోమంది నేటిజన్స్ ఈ ఫోటో పై స్పందిస్తూ వెల్కమ్ విజయవాడ ఆంటీ అంకుల్ అంటూ కామెంట్స్ చేస్తున్నారు.
Anchor Anasuya: తగ్గేదేలే అంటున్న నేటిజన్స్..
ఇలా అనసూయ పోస్ట్ పై స్పందించిన 80 శాతం మంది నేటిజన్స్ ఆమెను ఆంటీ అనే పదంతోనే కామెంట్ చేస్తూ చేస్తున్నారు. ఇక మరొక నెటిజన్ అయితే దారుణంగా ఎన్ని రోజులకు మీ మెడలో ఇలా తాళిబొట్టు చూసాము అంటూ కామెంట్ చేశారు.మొత్తానికి అనసూయ ఎన్ని కేసులు పెట్టిన నేటిజన్స్ మాత్రం తగ్గేదే అంటూ ఈమెను ఆంటీ అంటూ ట్రోల్ చేస్తున్నారు.
Liger Movie: విజయ్ దేవరకొండ ఎంతో ప్రతిష్టాత్మకంగా పాన్ ఇండియా స్థాయిలో నటించిన చిత్రం లైగర్.ఎన్నో అంచనాల నడుమ ఈ సినిమా ఈనెల 22వ తేదీ ప్రేక్షకుల ముందుకు రావడానికి సిద్ధమైంది. ఈ సినిమా అడ్వాన్స్ బుకింగ్ కూడా ఓపెన్ అయ్యాయి. ఇక ఈ సినిమా ఫ్రీ రిలీజ్ వేడుకను కూడా ఎంతో ఘనంగా నిర్వహించారు.ఇలా ఈ సినిమా ప్రమోషన్ కార్యక్రమాలను వేగవంతం చేస్తూ సినిమాపై అంచనాలు పెంచుతున్న నేపథ్యంలో ఈ సినిమాని బాయికాట్ చేయాలంటూ హాష్ టాగ్ ట్రెండ్ చేస్తున్నారు.
ఇకపోతే శనివారం విజయవాడలో లైగర్ చిత్ర బృందం మీడియా సమావేశంలో మాట్లాడారు. ఈ సమావేశంలో భాగంగా విజయ్ దేవరకొండ మాట్లాడుతూ షాకింగ్ కామెంట్స్ చేశారు. గత మూడు సంవత్సరాల నుంచి ఈ సినిమా కోసం ఎంతో కష్టపడ్డాం. ఆల్రెడీ సినిమా అడ్వాన్స్ బుకింగ్ కూడా ఓపెన్ అయ్యాయి. ఇప్పుడు ఈ సినిమా బాయ్ కాట్ అంటూ ట్రెండ్ చేస్తున్నారు. మనం నిజాయితీగా ధర్మంగా ఉన్నప్పుడు ఎవరి మాట వినేది లేదనీ ఈయన వెల్లడించారు.
గత మూడు సంవత్సరాల నుంచి ఈ సినిమా కోసం ఎంతో కష్టపడటమే కాకుండా తల్లి సెంటిమెంట్ తో భారతీయ జెండాను ఎగరవేస్తే బాయ్ కాట్ చేస్తారా? మనం ధర్మంగా ముందుకు వెళుతున్నప్పుడు ఎవడు అడ్డు వచ్చినా వినేది లేదు కొట్లాడుడే అంటూ ఈయన చేసిన కామెంట్స్ వైరల్ అవుతున్నాయి. పూరి జగన్నాథ్ గారు ఈ సినిమా కథ చెప్పగానే నాకు మెంటల్ వచ్చేసింది.
Liger Movie: తల్లి సెంటిమెంటుతో వస్తే బాయ్ కాట్ అంటారా…
ఈ కథ వినగానే వెంటనే చేసేదామని చెప్పాను. ఇలా ఈ సినిమా కోసం మూడు సంవత్సరాల నుంచి కష్టపడుతున్నామని, సినిమా ఏ మాత్రం ఆగదు అంటూ ఈ సందర్భంగా ఈయన క్లారిటీ ఇచ్చారు. ఇక ఈ సినిమా బాక్సింగ్ నేపథ్యంలో తెరకెక్కి పాన్ ఇండియా స్థాయిలో విడుదల కానుంది. ఇందులో విజయ్ దేవరకొండ సరసన బాలీవుడ్ నటి అనన్య పాండే నటిస్తున్నారు. ఇక ఈ సినిమాలో ప్రముఖ బాక్సర్ మైక్ టైసన్ కీలకపాత్రలో నటించగా విజయ్ దేవరకొండ తల్లి పాత్రలో రమ్యకృష్ణ ఎంతో అద్భుతంగా నటించారని తెలుస్తోంది.
Top Telugu website in the world | Telugu Gossips | Breaking News Headlines, Latest Andhra News, Telangana News, India News, World News – Telugudesk.net
