తాప్సీ సినిమాల ద్వారా అన్ని కోట్లు సంపాదించిందా..?

దర్శకేంద్రుడు కె రాఘవేంద్ర రావు డైరెక్షన్ లో మంచు మనోజ్ హీరోగా తెరకెక్కిన ఝుమ్మంది నాదం సినిమాతో తాప్సీ తెలుగుతెరకు నటిగా పరిచయమయ్యారు. తెలుగులో తొలి సినిమాతోనే గ్లామరస్ హీరోయిన్ గా పేరు తెచ్చుకున్న తాప్సీకి ప్రభాస్, రవితేజ సినిమాల్లో ఛాన్స్ రాగా ఆ సినిమాలతో తాప్సీ నటిగా మంచి పేరును సంపాదించుకున్నారు. ప్రస్తుతం బాలీవుడ్ ఆఫర్లతో తాప్సీ బిజీగా ఉన్న సంగతి తెలిసిందే.

విభిన్నమైన కథలను ఎంచుకుంటూ తాప్సీ ప్రేక్షకులను ఆకట్టుకుంటూ ఉండటం గమనార్హం. తాప్సీ నటిస్తున్న ఫ్లాపైన సినిమాల్లో సైతం ఆమె నటనకు ప్రశంసలు దక్కుతున్నాయి. తెలుగులో సెకండ్ హీరోయిన్ రోల్స్ లో ఎక్కువగా చేసిన తాప్సీ బాలీవుడ్ లో ఎంచుకున్న కథలు వర్కౌట్ కావడంతో పాటు ఆమెకు మంచిపేరును సంపాదించి పెట్టాయి. మరోవైపు బాలీవుడ్ లో తాప్సీ తన రెమ్యునరేషన్ ను భారీగా పెంచేశారు.

ప్రస్తుతం తాప్సీ బాలీవుడ్ లో ఒక్కో సినిమాకు 2 కోట్ల రూపాయలకు అటూఇటుగా పారితోషికం తీసుకుంటున్నారు. బడ్జెట్ ను బట్టి కొన్ని సినిమాలకు తాప్సీ పారితోషికం తగ్గించుకోవడానికి సైతం సిద్ధపడుతూ ఉండటం గమనార్హం. ఒకవైపు సినిమాలు చేస్తూనే మరోవైపు యాడ్స్ తో తాప్సీ బిజీగా ఉన్నారు. తాప్సీ ఏడాది ఆదాయం 40 కోట్ల రూపాయలకు అటూఇటుగా ఉంటుందని తెలుస్తోంది.

కొంతమంది టాలీవుడ్, బాలీవుడ్ స్టార్ హీరోయిన్ల ఆదాయంతో పోలిస్తే తాప్సీ ఆదాయం ఎక్కువ మొత్తం కావడం గమనార్హం. బాలీవుడ్ స్టార్ హీరోయిన్లకు తాప్సీ గట్టి పోటీ ఇస్తుండటం గమనార్హం.