India-West Indies: సిరీస్ పై గురి పెట్టిన టీమిండియా..! నేడు వెస్టిండీస్ తో ప్రారంభం కానున్న రెండో వన్డే.. !

India-West Indies: టీమిండియా సిరీస్ విజయంపై కన్నేసింది. వెస్టిండీస్ తో జరుగున్న ద్వైపాక్షిక సిరీస్ ను దక్కించుకునేందుకు భారత్ ప్రయత్నిస్తోంది. ఇప్పటికే అహ్మదాబాద్ లోని నరేంద్ర మోదీ క్రికెట్ స్టేడియంలో జరగిన తొలి వన్ డేలో భారత్ ఘనవిజయం సాధించింది.

ఏ దశలోనూ వెస్టిండీస్ టీమ్, టీమిండియా ముందు నిలవలేకపోయింది. దీంతో చారిత్రక వన్ డేలో భారత్ విజయం సాధించింది.  నేడు వెస్టిండీస్ తో రెండో వన్ డేలో తలపడనుంది భారత్. ఇప్పటికే తొలి వన్ డే విజయంతో రోహిత్ సేన రెట్టింపు ఆత్మవిశ్వాసంతో ఉంది. ఇప్పటికే కెప్టెన్ రోహిత్ శర్మ సూపర్ ఫామ్ లో ఉన్నాడు.

తొలి వన్ డేలో హాఫ్ సెంచరీ సాధించాడు. మరోవైపు భారత బౌలర్లు కూడా సూపర్ బౌలింగ్ చేశారు. ముఖ్యంగా స్పిన్ విభాగం చాలా పటిష్టంగా కనిపించింది. తొలి వన్ డేలో భారత స్పిన్ బౌలింగ్ ఎదురుకోలేక.. వెస్టిండీస్ బ్యాటర్లు పెవిలియన్ కు క్యూ కట్టారు. భారత స్పిన్ ఉచ్చులో చిక్కుకుని విలవిల్లాడారు. 

రెండో వన్ డే కూడా తొలి వన్ డే జరిగిన అహ్మదాబాద్ నరేంద్ర మోదీ స్టేడియంలోనే జరుగనుంది. దీంతో పిచ్ ఈ రోజు కూడా స్పిన్ కు సహకరించే అవకాశం ఉంది. అయితే రోహిత్ శర్మతో ఎవరు ఓపెనింగ్ కు వస్తారనే దానిపై స్పష్టత రావాల్సి ఉంది. ఇప్పటికే కేఎల్ రాహుల్ కూడా అందుబాటులోకి వచ్చారు. అయితే తుది జట్టులోకి తీసుకుంటారా లేదా..ఒక వేళ రాహుల్ ని తుది జట్టులోకి తీసుకోకుంటే… అనేదానిపై స్పష్టత రావాలి. ఇషాంత్ కిషన్ తో రోహిత్ శర్మ ఇన్నింగ్స్ ను ఓపెన్ చేసే అవకాశం ఉంది. 

తుది జట్లు (అం చనా)

భారత్: రోహిత్ (కెప్టెన్ ), రాహుల్, కోహ్లీ, పంత్, సూర్య కుమార్, దీపక్ హుడా, సుందర్, శార్దూల్, సిరాజ్, చాహల్, ప్రసిద్ధ్ కృ ష్ణ
వెస్టిం డీస్: పొలార్డ్ (కెప్టెన్ ), హోప్, బ్రాండన్, బ్రావో, బ్రూక్స్ , పూరన్, హోల్డర్ , అలెన్, అకీల్, అల్జారీ, రోచ్