Thammareddy Bharadwaj: పవన్ మనసు పెడితే ముఖ్యమంత్రి కావడం ఖాయం…. పవన్ జ్యోతిష్యం చెప్పిన తమ్మారెడ్డి!

Thammareddy Bharadwaj:తమ్మారెడ్డి భరద్వాజ్ పరిచయం అవసరం లేని పేరు సినీ నిర్మాతగా నటుడిగా ఇండస్ట్రీలో కొనసాగుతూ ఉన్నటువంటి ఈయన ఈ మధ్యకాలంలో పలు వివాదాస్పద వ్యాఖ్యల ద్వారా వార్తల్లో నిలుస్తున్నారు. ఇలా తమ్మారెడ్డి భరద్వాజ్ తాజాగా జనసేన అధినేత పవన్ కళ్యాణ్ గురించి సంచలన వ్యాఖ్యలు చేశారు.

పవర్ రాజకీయాల గురించి తమ్మారెడ్డి మాట్లాడుతూ పవన్ కళ్యాణ్ గత ప్రసంగంలో అభిమానులను ఉద్దేశించి మాట్లాడుతూ అభిమానులు ఉన్నప్పటికీ ఆ అభిమానం ఓట్లుగా రావడం లేదు అంటూ మాట్లాడిన విషయం మనకు తెలిసిందే అయితే ఈ వ్యాఖ్యలపై తమ్మారెడ్డి స్పందిస్తూ… పవన్ కళ్యాణ్ ప్రజలు తనకు ఓట్లు వేయలేదని చెప్పడం సరైనది కాదు. ఎందుకంటే ఆయన గత ఎన్నికలలో గెలుపు కోసం కనీసం ప్రయత్నాలు కూడా చేయలేదని తెలిపారు.

ఎన్నికల బరిలో దిగినటువంటి పవన్ కళ్యాణ్ ఆయన పోటీ చేసిన రెండు నియోజకవర్గాలు కూడా జనసేనకు ఎంతో బలం ఉన్న నియోజకవర్గాలే అయితే గెలుపొందడానికి సరైన స్థాయిలో ప్రచార కార్యక్రమాలను నిర్వహించలేదని, ఆయన సరైన ప్రయత్నం చేయక ఆ నిందను ప్రజలపై వేయడం సరైంది కాదని తమ్మారెడ్డి తెలిపారు.

Thammareddy Bharadwaj: కింగ్ మేకర్ లా కాకుండా కింగ్ కావాలి….

పవన్ కళ్యాణ్ కుమారస్వామి లాగా కింగ్ మేకర్ కావాలని ప్రయాత్నిస్తున్నారు. ఈసారి కర్ణాటక ఎన్నికల్లో కుమారస్వామి పరిస్థితి ఏమైందనీ ప్రశ్నించారు.పవన్ కింగ్ మేకర్ లా కాకుండా కింగ్ కావాలని ఆయన మనసుపెట్టి ప్రయత్నం చేస్తే తప్పకుండా ముఖ్యమంత్రి అవుతారు అంటూ ఈ సందర్భంగా తమ్మారెడ్డి పవన్ కళ్యాణ్ రాజకీయ భవిష్యత్తు గురించి గీతోపదేశం చేశారు. ప్రస్తుతం తమ్మారెడ్డి చేసిన ఈ కామెంట్స్ సోషల్ మీడియాలో వైరల్ అవుతున్నాయి.