Vadde Naveen: వడ్డే నవీన్ సినిమాలకు దూరం అవ్వడానికి కారణం అదే: పిఆర్వో వినాయక రావు

Vadde Naveen: టాలీవుడ్ ఇండస్ట్రీలో నటుడిగా ఎంతో మంచి గుర్తింపు సంపాదించుకున్న వారిలో హీరో వడ్డే నవీన్ ఒకరు. ఈయన అప్పట్లో ఎన్నో అద్భుతమైన సినిమాలలో నటించిన హీరోగా మంచి పేరు సంపాదించుకున్నారు. ఈ క్రమంలోనే వడ్డే నవీన్ క్రమక్రమంగా సినిమాలకు దూరమయ్యారు. నవీన్ ఎన్నో సినిమాలలో హీరోగా నటించడమే కాకుండా సపోర్టింగ్ పాత్రలలో కూడా నటించారు.

ఇండస్ట్రీలో హీరోగా కొనసాగిన ఈయన నిర్మాతగా కూడా వ్యవహరించారు. ఇలా ఇండస్ట్రీలో నిర్మాతగా తన అదృష్టాన్ని పరీక్షించుకున్న పెద్దగా ఫలితం లేకపోయింది. ఇండస్ట్రీలో ఒకానొక సమయంలో అగ్ర నటుడిగా కొనసాగిన నవీన్ ఉన్నఫలంగా ఇండస్ట్రీకి దూరం అయ్యారు. ఇలా నవీన్ ఇండస్ట్రీకి దూరం రావడానికి గల కారణం ఏంటి అనే విషయాన్ని ప్రముఖ జర్నలిస్ట్, పీఆర్వో వినాయకరావు వెల్లడించారు.

తాజాగా ఒక యూట్యూబ్ ఛానల్ ఇంటర్వ్యూలో పాల్గొన్న వినాయకరావు పలు ఆసక్తికరమైన విషయాలను వెల్లడించారు. ఈ సందర్భంగా పీఆర్వో వినాయకరావు మాట్లాడుతూ తాను దాదాపు 150 సినిమాలకు పైగా పీఆర్వో వ్యవహరించానని తెలిపారు. ఈ క్రమంలోనే ఇండస్ట్రీలో హీరోల గురించి ఆసక్తికరమైన విషయాలను తెలిపిన వినాయకరావు వడ్డే నవీన్ గురించి కూడా ఆశక్తికరమైన విషయాలు తెలిపారు.

శ్రద్ధ చూపలేకపోయారు…

ఈ సందర్భంగా ఆయన వడ్డే నవీన్ గురించి మాట్లాడుతూ..వడ్డే నవీన్ తన కెరీర్లో మంచి సినిమాలు చేసినప్పటికీ అప్పట్లో ఉన్న కాంపిటీషన్ వల్ల ఆ సినిమాలు బాక్సాఫీస్ వద్ద హిట్ కాలేకపోయాయి. దీంతో వడ్డే నవీన్ కి సినిమాలపై శ్రద్ధ చూపకపోవడంతో అవకాశాలు కూడా తగ్గడంతో ఈయన ఇండస్ట్రీకి దూరమయ్యారని ఈ సందర్భంగా వినాయకరావు వడ్డే నవీన్ కెరీర్ గురించి పలు ఆసక్తికరమైన విషయాలను వెల్లడించారు.