అందుకే యానీ మస్టార్ బిగ్ బాస్ కు వెళ్లారు.. మోనాల్ వ్యాఖ్యలు..

తెలుగు రియాలిటీ షో బిగ్ బాస్ సీజన్ 5 రెండు రాష్ట్రాల్లో ఎంత పాపులరో ప్రత్యేకంగా చెప్పాల్సిన పనిలేదు. ఇప్పటికే నాలుగు సీజన్స్‌ను పూర్తి చేసుకుంది. ప్రస్తుతం ఐదో సీజన్ చివరి దశకు చేరుకుంది. 10 వారాలు కంప్లీట్ చేసుకొని 11 వ వారం రన్ అవుతోంది. ప్రస్తుతం 11 వ వారం కెప్టెన్ ఎవరనే దానిపై టాస్క్ లు నడుస్తున్నాయి.

ఇప్పటికే హౌస్ నుంచి 10 మంది ఇంటికి వెళ్లి పోయారు. అందులో జెస్సీ అనారోగ్యం కారణంగా వెళ్లాల్సి వచ్చింది. మిగిలింది 9 మంది మాత్రమే. అయితే అందులో కూడా ఈ వారం 8 మంది నామినేషన్లో ఉన్నారు. ఇదంతా ఇలా ఉంటే.. బిగ్ బాస్ సీజన్ 4 లో మోనల్ గుర్తుంది కదా.. రెండు లవ్ ట్రాక్ లు నడిపించి.. చివరి వరకు వచ్చింది.

ఆమె తాజాగా కొన్ని కామెంట్లు చేసింది. ప్రస్తుతం యానీ మాస్టార్ ఈ వారం ఇంటి నుంచి వెళ్లి పోతుందనే వార్తలు వినిపిస్తున్నాయి. సోషల్ మీడియాలో అప్పుడే యానీ మాస్టార్ కు గుడ్ బై చెబుతుండటంతో ఆమె అయోమయానికి గురయ్యారు. వాటికి సమాధానంగా మోనల్ ఇలా చెప్పింది. ఈ మేరకు ఇన్ స్టాగ్రామ్ లైవ్ లోకి వచ్చి.. దయచేసి యానీ మాస్టార్ కు సపోర్టు చేయండి అంటూ అభ్యర్థించారు. యానీ మాస్టార్ నాకు వ్యక్తిగతంగా తెలుసని.. ఆమె ఎంతో స్ట్రాంగ్ అంటూ చెప్పుకొచ్చింది.

ఎవరి సపోర్టు లేకుండా ఒంటరిగా సినీ పరిశ్రమలోకి వచ్చి తన కష్టంపై తాను నిలబడుతుందని.. అలాంటి వారికి మన సపోర్టు ఉండాలంటూ చెప్పింది మోనాల్. ఆమె ఇల్లు కొనుగోలు చేయాలనే ఆశతో బిగ్ బాస్ కు వెళ్లినట్లు ఆమె చెప్పింది. ఆమె కల నెరవేరాలని తాను కోరుకుంటున్నానని.. మీరు కూడా యానీ మాస్టార్ కు సపోర్టు చేయండి అంటూ వీడియో పోస్టు చేసింది.