దారుణం: తండ్రి పోలికలతో బిడ్డ పుట్టలేదని బిడ్డ పట్ల కిరాతకంగా ప్రవర్తించిన తండ్రి..!

సాధారణంగా పిల్లలు పుడితే వారు తండ్రి పోలిక ఉండాలన్న నియమం ఏదీ లేదు. పిల్లలు తల్లి తండ్రి పోలిక లేదా వారి కుటుంబ సభ్యుల పోలికలు ఉండటం సర్వసాధారణం. అయితే ఓ తండ్రి తన బిడ్డ తన పోలికలతో పుట్టలేదని ఆ బిడ్డపట్ల అతి కిరాతకంగా ప్రవర్తించి తనని హత్య చేసిన ఘటన అనంతపురం జిల్లాలో చోటు చేసుకుంది. పూర్తి వివరాల్లోకి వెళితే..

అనంతపురం జిల్లా కళ్యాణదుర్గంలో ఈ ఘోర ఘటన చోటుచేసుకుంది. కళ్యాణదుర్గం పట్టణ వాసికి రెండు నెలల క్రితం ఒక కూతురు జన్మించింది. అయితే తన కూతురు తన పోలికలతో లేకపోవడంతో తన బిడ్డ కాదని ఆ తండ్రి ఆగ్రహం వ్యక్తం చేస్తూ తన బిడ్డను చంపేస్తానని హెచ్చరించాడు. ఈ క్రమంలోనే అనుకున్న విధంగానే గురువారం సాయంత్రం తన బిడ్డను ఎత్తుకొని ఇంటి నుంచి పారిపోయాడు.

ఇది గమనించిన కుటుంబ సభ్యులు తన బిడ్డను ఎక్కడ చంపుతాడని భావించి పోలీసులకు ఫిర్యాదు చేశారు. దీంతో ఆ తండ్రి బిడ్డ కోసం పోలీసులు గాలింపు చర్యలు చేపట్టిన ఎలాంటి ఫలితం లేకపోయింది. ఇలా కొన్ని గంటల సమయం తర్వాత ఒక ఒక సంచిలో పాప నిర్జీవంగా మృతి చెంది కనిపించడంతో ఆ తల్లి ఆవేదన భరించలేకపోయింది.

కేవలం తన పోలికలతో బిడ్డ పుట్టే లేదన్న కారణంగా ముక్కుపచ్చలారని ఆ చిన్నారి నోటికి ప్లాస్టర్ వేసి ఊపిరాడకుండా అతి దారుణంగా చంపిన తండ్రి పై పోలీసులు కేసు నమోదు చేసుకుని దర్యాప్తు కొనసాగిస్తున్నారు.ఇలా ముక్కుపచ్చలారని అభం శుభం తెలియని చిన్నారి విగతజీవిగా పడి ఉండటంతో ఆ తల్లి రోదన వర్ణనాతీతం.