టీవీలో నా సినిమా వస్తే టీవీ ఆఫ్ చేస్తా: సమంత

తెలుగు సినిమా ఇండస్ట్రీలో స్టార్ హీరోయిన్ గా కొనసాగుతున్న సమంత గత కొద్దిరోజుల నుంచి తన విడాకుల విషయమై సోషల్ మీడియాలో తన గురించి పెద్ద ఎత్తున వార్తలు వస్తున్నాయి. ఈ క్రమంలోనే సమంత నాగచైతన్య విడాకులు ప్రకటన తర్వాత విడాకులు తీసుకోవడానికి గల కారణం సమంత అంటూ సమంత గురించి పలురకాల వార్తలు రాస్తున్నారు. ఇకపోతే విడాకుల ప్రకటన తర్వాత సమంత తనలో ఉన్నటువంటి బాధను సోషల్ మీడియా వేదికగా వెల్లడించారు.

సాధారణంగా సెలబ్రిటీలు నటించిన సినిమాలు టీవీలో వస్తే ఎంతో ఆసక్తిగా ఆ సినిమాలను వీక్షిస్తారు. కానీ సమంత మాత్రం తన సినిమాలు టీవీలో వస్తే మాత్రం చూడనని వెంటనే టీవీ ఆఫ్ చేస్తానని పేర్కొన్నారు. ఎందుకంటే గతంలో తనకు నటన గురించి పూర్తి అవగాహన లేకపోవడంతో కొన్ని తప్పులు జరిగి ఉంటాయని అందుకే తనకు ఆ సినిమాలో చూడటానికి ఇష్టం ఉండదని తెలిపారు.

అలాగే గతంలో తాను నటించిన సినిమాలన్నీ కూడా ఒకే ధోరణిలో ఉండటం వల్ల తనకు ఆ సినిమాలను మళ్ళీ మళ్ళీ చూడాలి అంటే నచ్చదని ఈ సందర్భంగా చెప్పుకొచ్చారు.ఎప్పుడు అలాంటి మూసధోరణిలోనే కాకుండా ఓ విభిన్నమైన ప్రయోగాత్మక పాత్రలో నటించాలన్న ధైర్యంతోనే ముందడుగు వేశానని, అందుకోసమే ది ఫ్యామిలీ మెన్ 2 సిరీస్లో విభిన్న పాత్రల ద్వారా ప్రేక్షకుల ముందుకు వచ్చానని ఈమె తెలిపారు.

ఇక ప్రస్తుతం సమంత శాకుంతలం అనే పౌరాణిక చిత్రంలో నటించిన సంగతి మనకు తెలిసిందే.ప్రస్తుతం పోస్ట్ ప్రొడక్షన్ పనులు జరుపుకుంటున్న ఈ చిత్రం త్వరలోనే ప్రేక్షకుల ముందుకు రానుంది. ఇదిలా ఉండగా విడాకుల ప్రకటన అనంతరం సమంత మరో రెండు సినిమాలకు గ్రీన్ సిగ్నల్ ఇవ్వడమే కాకుండా బాలీవుడ్ లోకి ఎంట్రీ ఇవ్వబోతున్నట్లు తెలుస్తోంది.