Chinmayi: చిన్మయి దేశ ప్రధాని కావాలన్న నెటిజన్… వరెస్ట్ జాబ్ అంటూ రిప్లై!

Chinmayi:టాలీవుడ్ ఇండస్ట్రీలో సింగర్ గా డబ్బింగ్ ఆర్టిస్ట్ గా ఎంతో మంచి గుర్తింపు సంపాదించుకున్న చిన్మయి గురించి ప్రత్యేకంగా చెప్పాల్సిన పనిలేదు. ఈమె తన అద్భుతమైన గాత్రంతో ఎంతో మంచి గుర్తింపు పొందడమే కాకుండా సోషల్ మీడియాలో యాక్టివ్ గా ఉంటూ సమాజంలో మహిళల పట్ల జరిగే అన్యాయం, దాడుల గురించి ప్రశ్నిస్తూ మహిళలకు అండగా నిలుస్తున్నారు.

ఈ క్రమంలోనే ఎక్కడైనా మహిళల పట్ల దాడులు జరిగితే, వాటిపట్ల స్పందిస్తూ ఆ దాడులను తీవ్ర స్థాయిలో ఖండిస్తూ ఉంటారు.ఇలా మహిళలకు సపోర్ట్ గా ఉండడంతో ఎంతోమంది మహిళలు వారు ఎదుర్కొంటున్న సమస్యలను సోషల్ మీడియా వేదికగా తనతో పంచుకొని తన సలహాలు, సూచనలు తీసుకుంటారు.

ఇలా సోషల్ మీడియాలో నిత్యం యాక్టివ్ గా ఉండే చిన్మయి సోషల్ మీడియా వేదికగా అభిమానులతో ముచ్చటిస్తూ ఉంటారు. ఈ క్రమంలోనే తాజాగా ఈమె తన ఫాలోవర్స్ తో లైవ్ సెషన్ పెట్టారు. ఇలా సోషల్ మీడియా వేదికగా అభిమానులు అడిగిన ఎన్నో ప్రశ్నలకు ఆమె సమాధానాలు చెప్పారు.

ప్రధాని కావడం ఈజీ కాదు…

ఇకపోతే ఓ మహిళ నెటిజన్ చిన్మయి దేశ ప్రధాని కావాలని కోరారు.మీలాంటి వాళ్లు ప్రధాని అయితే మాకు ఎంతో బాగుంటుందని కామెంట్ చేయడంతో ఆ విషయంపై స్పందిస్తూ దేశ ప్రధాని కావాలంటే మాటలు అనుకున్నావా? ఈ దేశంలో అత్యంత వరెస్ట్ జాబ్ ఏదైనా ఉంది అంటే అది దేశ ప్రధాని కావడమే అంటూ చిన్మయి షాకింగ్ కామెంట్స్ చేశారు. చిన్మయి చేసిన ఈ వ్యాఖ్యలు సోషల్ మీడియాలో వైరల్ గా మారాయి.