Varun Dhavan: సౌత్ ఇండస్ట్రీలోనూ ఫ్లాప్ సినిమాలు ఉన్నాయి.. సౌత్ సినిమాలపై వరుణ్ ధావన్ షాకింగ్ కామెంట్స్!

Varun Dhavan: ఒకప్పుడు భారతీయ సినిమా అంటే బాలీవుడ్ చిత్రాలు మాత్రమే అని చెప్పుకునేవారు. ప్రస్తుతం బాలీవుడ్ సినిమాలకు ఆదరణ లేకపోవడంతో భారతీయ సినిమా అంటే సౌత్ సినిమాలని చెప్పుకునే స్థాయికి చేరుకున్నాయి. సౌత్ సినిమాలు సృష్టిస్తున్న రికార్డులను చూసి బాలీవుడ్ సెలబ్రిటీలు సైతం ఆశ్చర్యపోతున్నారు.గత కొంతకాలం నుంచి బాలీవుడ్ సినిమాలు ప్రేక్షకులను సందడి చేయకపోగా సౌత్ ఇండస్ట్రీ నుంచి విడుదలైన సినిమాలు బాలీవుడ్ ఇండస్ట్రీలో సైతం కోట్ల కలెక్షన్లను రాబడుతోంది.

ఈ క్రమంలోనే బాలీవుడ్ చిత్రాలు ప్రేక్షకులను సందడి చేయకపోవడానికి కారణం కథేనని, బాలీవుడ్ సెలబ్రిటీలు ఇప్పటికీ రొటీన్ అంశాలను ఎంపిక చేసుకోవడం వల్లే సినిమాలు సందడి చేయలేకపోతున్నాయని పలువురు భావిస్తున్నారు తాజాగా బాలీవుడ్ నటుడు వరుణ్ ధావన్ ఒక ఇంటర్వ్యూలో పాల్గొని సౌత్ సినిమాల గురించి షాకింగ్ కామెంట్ చేశారు.

ఈ ఇంటర్వ్యూ సందర్భంగా వరుణ్ ధావన్ మాట్లాడుతూ.. కరోనా సమయంలో బాలీవుడ్ చిత్రాలు విడుదలకు నోచుకోలేదు. ఇప్పుడే ఒక్కో సినిమా విడుదల అవుతూ వస్తున్నాయి. వీటిలో కూడా కొన్ని మంచి హిట్ సాధించిన సినిమాలు ఉన్నాయి.ఈ మధ్యకాలంలో సౌత్ ఇండస్ట్రీలో విడుదలైన సినిమాలలో కూడా సుమారు 7నుంచి 8 సినిమాల వరకు ఫ్లాప్ సినిమాలు ఉన్నాయి.

మంచి సినిమాలను ఏ భాషలో అయినా ఆదరిస్తారు…

కథ నచ్చకపోతే ప్రేక్షకులు ఏ భాషలో అయినా కానీ సినిమాను చూడటానికి ఇష్టపడరు. చెడ్డ సినిమాలను ఎవరు కూడా చూడాలని అనుకోరు . మంచి సినిమా ఏ భాషలో వచ్చినా కానీ ప్రతి ఒక్కరు ఆదరిస్తారని ఈ సందర్భంగా సౌత్, నార్త్ సినిమాల గురించి మాట్లాడారు. అయితే ఈ మధ్య కాలంలో నార్త్ సినిమాలతో పోలిస్తే సౌత్ సినిమాలు ప్రేక్షకులను విపరీతంగా ఆకట్టుకోవడమే కాకుండా బాక్సాఫీస్ వద్ద సరికొత్త రికార్డులను సృష్టిస్తున్నాయి. ఈ సమయంలో వరుణ్ ధావన్ సౌత్ సినిమాల గురించి చేసిన కామెంట్స్ వైరల్ అవుతున్నాయి.