Actor Srikanth: ఖడ్గం సినిమా చేసినందుకు చాలా బెదిరింపు కాల్స్ వచ్చాయి… గన్ జోబులో పెట్టుకుని వెళ్లేవాన్ని.. శ్రీకాంత్ కామెంట్స్ వైరల్!

Actor Srikanth:తెలుగు సినిమా ఇండస్ట్రీలో ఎన్నో కుటుంబ కథా చిత్రాలలో అలాగే ప్రేమకథా చిత్రాల్లోతెలుగు సినిమా ఇండస్ట్రీలో ఎన్నో కుటుంబ కథా చిత్రాలలో అలాగే ప్రేమకథా చిత్రాల్లో నటించి ఎంతోమంది ఫ్యామిలీ ఆడియన్స్ ను సంపాదించుకున్న నటుడు శ్రీకాంత్ ప్రస్తుతం విలన్ పాత్రల ద్వారా ప్రేక్షకుల ముందుకు వచ్చి ప్రేక్షకులకు సందడి చేస్తున్నారు.ఇలా టాలీవుడ్ ఇండస్ట్రీలో సీనియర్ నటుడిగా మంచి గుర్తింపు పొందిన శ్రీకాంత్ తాజాగా ఒక ఇంటర్వ్యూలో పాల్గొన్నారు.

ఈ ఇంటర్వ్యూ సందర్భంగా ఎన్నో ఆసక్తికరమైన విషయాల గురించి వెల్లడించారు.ఇకపోతే తన కెరీర్లో ఎన్నో ఎక్స్ పెక్టేషన్స్ పెట్టుకొని ఫ్లాప్ అయిన సినిమాల గురించి ప్రస్తావించగా అలాంటి సినిమాలు చాలా ఉన్నాయని అయితే అందులో సౌందర్య శ్రీకాంత్ నటించిన తారక రాముడు సినిమా పై ఎన్నో అంచనాలు పెట్టుకున్నాము ఆ సినిమా ఫ్లాప్ అయింది అదేవిధంగా సౌందర్యతో కలిసి అనగనగా ఒక అమ్మాయి అనే మరొక సినిమా ఈ విషయంలో కూడా డిసప్పాయింట్ అయ్యామని తెలిపారు.

ఇక ఇంటర్వ్యూ సందర్భంగా నటుడు శ్రీకాంత్ హీరోయిన్ సౌందర్యని తలుచుకుని బాధ పడ్డారు. తను చాలా మంచి ఆర్టిస్ట్ అని అయితే మనం ఏం చేయలేం అంటూ శ్రీకాంత్ సౌందర్యని గుర్తు చేసుకున్నారు. ఇక తనతో కలిసి ఆరు సినిమాల వరకు నటించానని ఈ సందర్భంగా తెలిపారు. ఇకపోతే తను నటించిన సినిమాలలో ఏదైనా వివాదానికి దారితీస్తుందా అని ప్రశ్నించగా తను పెద్దగా కాంట్రవర్సీ అయ్యే సినిమాలో నటించలేదని కానీ ఖడ్గం సినిమాలో నటించినందుకు నాకు ఎంతో మంది నుంచి బెదిరింపు ఫోన్ కాల్స్ వచ్చాయని ఈ సందర్భంగా శ్రీకాంత్ తెలిపారు.

క్రికెట్ ఆడేటప్పుడు జోబులో గన్ పెట్టుకొని వెళ్ళా…

ఖడ్గం సినిమాలో ముస్లింలకు వ్యతిరేకంగా చెప్పిన డైలాగ్స్ కారణంగా తనకు ఇలాంటి బెదిరింపు కాల్స్ వచ్చాయని అయితే ఎప్పుడూ పెద్దగా భయపడ లేదని తెలిపారు. అయితే క్రికెట్ ఆడటం కోసం వెళ్ళినప్పుడు జోబులో గన్ పెట్టుకుని వెళ్లానని, ఎప్పుడు ఏం జరుగుతుందో తెలియని సమయంలో నా రక్షణ కోసం జోబులో గన్ పెట్టుకొని వెళ్లేవాణ్ణి అంటూ ఈ సందర్భంగా శ్రీకాంత్ తెలియజేశారు. ప్రస్తుతం శ్రీకాంత్ చేసిన ఈ కామెంట్ సోషల్ మీడియాలో వైరల్ అవుతున్నాయి.