రాయేకదా అని పడెద్దాం అనుకుంది.. కట్ చేస్తే ఆ రాయి విలువ 20 కోట్లు..!

మన ఇంట్లో ఏవైనా పాత వస్తువులు ఉంటే వెంటనే పడేయకండి. ఆ పాత వస్తువులలో ఎంతో విలువైనవి ఉంటాయని ఈ సంగతి తెలిస్తే మీకే అర్థమవుతుంది. పాత గిల్టు నగలు తనకు అవసరం లేదని భావించిన ఒక 70 సంవత్సరాలు మహిళ ఆ నగలను పడేయబోయింది. తీరాచూస్తే అవి 36 క్యారెట్ల వజ్రం అని తెలిసి ఎంతో ఆశ్చర్యపోయింది. ప్రస్తుతం ఆ రాయి విలువ సుమారు 20 కోట్లు ఉంటుందని అంచనా వేస్తున్నారు.

బ్రిటన్ కు చెందిన 70 సంవత్సరాల మహిళ తన దగ్గర పాత గిల్టు నగలు ఉండడంతో అవి తను ఎలాగో వేసుకోవడం లేదని వాటిని పడేయాలని ఫిక్స్ అయింది. ఆ మహిళ ఆ నగలను ఓ కార్ బూట్ సేల్‌లో అతి తక్కువ ధరకే కొనుగోలు చేసింది. ఈ క్రమంలోని తన పక్కింటి వారు రావడంతో వారికి ఈ నగలను చూపించడంతో మరి ఇవేమీ అంత చెత్తగా లేవు వీటిని అమ్మితే కొంత డబ్బు వస్తుందని చెప్పారు.

ఈ క్రమంలోనే ఆ నగలను నార్త్ టైనెసైడ్.. నార్త్ షీల్డ్స్‌లోని ఫీటోన్బీ ఆక్షనీర్స్ సంస్థకు వెళ్లి తన నగలను వేలం వేయాలని భావించారు. అయితే ఆ మహిళ ఆ నగల బాక్సును తన పక్కింటి వారి దగ్గరే వదిలి వెళ్ళిపోయింది.అయితే ఆ నగలను డైమండ్ పరీక్షించే యంత్రంతో పరీక్షించగా అందులో ఉన్నది నిజమైన 36 క్యారెట్ల డైమండ్ అని తెలియడంతో అందరూ ఒక్కసారిగా ఆశ్చర్యపోయారు.

ఈ రాయిని వజ్రాల నిపుణుడికి చూపించడంతో అది నిజమైన వజ్రం అని తేలింది. దాని విలువ సుమారు 20 కోట్ల వరకు ఉంటుందని అంచనా వేశారు. అయితే దీనిని వేలం వేయగా మరింత ధర పలికే అవకాశం ఉందని ఈ వజ్రాన్ని నవంబర్ 30వ తేదీ వేలం వేయనున్నట్లు తెలిపారు.