ఎందుకు ఈ ఉమెన్స్ డే లు..రేణు దేశాయ్ సంచలన వ్యాఖ్యలు

రేణు దేశాయ్ గురించి ప్రత్యేకంగా పరిచయాలు అవసరం లేదు. పవన్ కళ్యాణ్ మాజీ భార్యగానే కాకుండా మంచి నటిగా కూడా ప్రేక్షకులకు తెలుసు. పవన్ తో విడాకుల తర్వాత ఆమె మరింతగా ప్రేక్షకుల నోళ్ళల్లో నానుతుంది. పవన్ అభిమానులు కొన్ని సార్లు ఆమెను టార్గెట్ చేస్తూ విమర్శించడం, దానికి ఆమెకూడా ప్రతిఘటించడం వంటివి చేయడంతో ఆమె కూడా వివాదాస్పద మహిళా గా అయిపోయారు.. ఇప్పుడు తనను తాను కొత్తగా ఆవిష్కరించుకునే పనిలో పడింది ఈమె. దర్శకురాలిగానే కాకుండా నటిగానూ నిరూపించుకోడానికి సెకండ్ ఇన్నింగ్స్ మొదలుపెడుతుంది రేణు దేశాయ్.

ఇక ఇన్ని రోజులు ఈమె పూణేలో ఉంది. అక్కడ్నుంచి ఇక్కడకు వస్తూ వెళ్తుంది. ఇదిలా ఉంటే ఈరోజు ఉమెన్స్ డే సందర్భంగా సోషల్ మీడియా లో అందరి అకౌంట్ లలో స్త్రీలకు శుభాకాంక్షలు చెప్తున్నారు. అయితే దాన్ని తనదైన స్టైల్ లో రేణు స్పందించారు. నేడు మహిళా దినోత్సవం అంటూ ప్రతీ ఒక్కరూ హ్యాపీ ఉమెన్స్ డే అని చెబుతున్నారు.. కానీ ఏం లాభం అంటూ రేణూ దేశాయ్ ఓ వీడియోను షేర్ చేసింది. ఓ వీధి కుక్కకు ఓ మహిళా ఆహారాన్ని పెడుతూ ఉంటే.. అక్కడి వారంతా ఆ మహిళపై దాడికి దిగారు.. చంపేస్తాం.. రేప్ చేస్తామంటూ దూషించారు. ఆ వీడియోను రేణూ దేశాయ్ షేర్ చేసింది.

ఆ వీడియో పై రేణూ దేశాయ్ కామెంట్ చేస్తూ.. ఇది నాకు మెసెజ్ రూపంలో వచ్చింది.. వీధిలోని ఓ కుక్కకు ఆహారాన్ని పెడుతూ ఉంటే కూడా సదరు మహిళపై బెదిరింపులకు పాల్పడటం, రేప్ చేస్తామని అనే మనుషులు ఉండగా.. ఇంకా ఎందుకు హ్యాపీ ఉమెన్స్ డే అని చెప్పుకోవడం.. జరుపుకోవడం అంటూ ప్రశ్నించింది. నిజానికి ఇది అందరు ఆలోచించాల్సిందే..