మాస్టర్ ప్లాన్ చేసిన ఓ దొంగ… చివరికి ఇలా ఇరుక్కుపోయాడు?

సాధారణంగా అనేక కారణాల వల్ల చాలామంది దొంగతనాలకు పాల్పడ్డ మనం చూస్తుంటాము. అయితే కొన్నిసార్లు వారి అదృష్టం బాగుంటే దర్జాగా బయట పడతారు. మరికొన్నిసార్లు ఇట్టే దొరికిపోతూ ఉంటారు. ఈ విధంగా దొంగతనాలకు పాల్పడి చివరికి దొరికిపోయిన సంఘటనలను గురించి మనం ఎన్నో విన్నాం. తాజాగా ఇలాంటి సంఘటన థాయిలాండ్ లోని ఓ యువకుడి విషయంలో చోటు చేసుకుంది. పూర్తి వివరాల్లోకి వెళితే….

ఛోబూరి పట్టణానికి చెందిన సుఫాచాయ్‌ పాంథాంగ్‌కు 27 ఏళ్లు. ఇతను గత కొంత కాలం నుంచి చిన్న చిన్న దొంగతనాలకు పాల్పడుతూ జీవనం కొనసాగిస్తున్నాడు. ఈ క్రమంలోనే ఒక అద్భుతమైన మాస్టర్ ప్లాన్ వేశాడు. బంగారు దుకాణంలో దొంగతనం చేయాలనే ప్లాన్ చేసిన సుఫాచాయ్‌ ప్లాన్ ప్రకారమే ఓ బంగారు దుకాణానికి కస్టమర్ లాగా వెళ్లాడు. బంగారు దుకాణానికి వెళ్లిన ఆ యువకుడు ఒక చైన్ మెడలో వేసుకుని ట్రైల్ చేస్తున్నాడు.

ఈ క్రమంలోనే షాపు యజమాని ఏదో బిజీగా ఉండటంతో అక్కడి నుంచి చిన్నగా జారుకోవాలని ప్రయత్నించాడు. ఈ క్రమంలోనే వెంటనే బయటకు వెళ్లాలని డోర్ వద్దకు వెళ్లిగానే ఎంతసేపటికీ ఆ తలుపు తెరుచుకోలేదు… పాపం అక్కడ ఉన్న ట్విస్ట్ ఆ కుర్రాడు ఊహించి ఉండడు. అతడు తలుపు తెరిచి బయటకు వెళ్లాలని ఎంత గింజుకున్న తలుపు తెరుచుకోలేదు.

ఈ విధంగా తలుపు తెరుచుకోకపోవడంతో చేసేదేమిలేక ఆ యువకుడు తాను దొంగిలించిన బంగారు చైన్ తీసుకువచ్చి యజమాని ముందు పెట్టాడు. అయితే ఆ తలుపు రిమోట్ కంట్రోలర్ లో ఉంటుందనే విషయం తెలియక ఈ విధంగా దొంగతనానికి పాల్పడి అడ్డంగా బుక్కయ్యాడు.ఈ క్రమంలోనే సదరు యజమాని పోలీసులకు ఫిర్యాదు చేయడంతో పోలీసులు అక్కడికి చేరుకొని ఆ యువకుడిని అరెస్టు చేశారు. విచారణలో భాగంగా తనకు ఉద్యోగం పోయిందని తీవ్ర ఆర్థిక సమస్యల కారణంగానే ఈ విధంగా దొంగతనానికి పాల్పడినట్లు పోలీసులకు వివరించారు.