Bangarraju Movie: బంగార్రాజు సినిమాలో బ్రహ్మానందం లేక పోవడానికి కారణం ఇదే: నాగార్జున

Bangarraju Movie: కళ్యాణ్ కృష్ణ దర్శకత్వంలో అక్కినేని నాగార్జున నాగచైతన్య కలిసి నటించిన సినిమా బంగార్రాజు. ఈ సినిమా ఈ ఏడాది సంక్రాంతి కానుకగా ప్రేక్షకుల ముందుకు వచ్చి మంచి విజయాన్ని అందుకుంది.ఇలా మొదటి వారం అద్భుతమైన కలెక్షన్లను రాబట్టిన ఈ సినిమా కోసం నాగార్జున పెద్దఎత్తున ప్రమోషన్ కార్యక్రమాలలో పాల్గొన్నారు.

ఈ క్రమంలోనే ఒక ఇంటర్వ్యూలో పాల్గొన్న నాగార్జున ఈ సినిమాలో బ్రహ్మానందం పాత్ర గురించి ఆసక్తికరమైన వ్యాఖ్యలు చేశారు.సోగ్గాడే చిన్నినాయన చిత్రానికి సీక్వెల్ చిత్రంగా వచ్చిన ఈ సినిమాలో బ్రహ్మానందం లేకపోవడం గురించి పలువురు సందేహాలను వ్యక్తపరిచారు.

అయితే ఈ సినిమాలో బ్రహ్మానందం ఎందుకు లేరు అనే విషయం గురించి నాగార్జున క్లారిటీ ఇచ్చారు. సోగ్గాడే చిన్నినాయన సినిమా తండ్రి కొడుకులకు సంబంధించిన కథతో వచ్చినది.అలాగే బంగార్రాజు సినిమా తాతా-మనవడు కథాంశంతో ప్రేక్షకుల ముందుకు వచ్చిన విషయాన్ని నాగార్జున గుర్తు చేశారు.

ఆత్మానందం పాత్రలో బ్రహ్మానందం…

సోగ్గాడే చిన్నినాయన చిత్రంలో బ్రహ్మానందం ఆత్మానందం పాత్రలో నటించారు. అయితే బంగార్రాజు సినిమాలో తాతా మనవడు స్టోరీ ఉండటంవల్ల బ్రహ్మానందాన్ని తీసుకోలేదు.ఒకవేళ ఆయనని కనుక తీసుకొని ఉంటే ఈ సినిమా 30 సంవత్సరాలకు పైబడిన స్టోరీ కాకుండా.. 85 సంవత్సరాలకు పైబడిన స్టోరీగా చూపించాల్సి వస్తుంది కనుక ఈ సినిమాలో బ్రహ్మానందం గారిని తీసుకోలేదని నాగార్జున తెలిపారు.