నడిరోడ్డుపై ఓ ఆకతాయి వేదించాడు.. – సంచలనం సృష్టిస్తున్న హీరోయిన్ రెజీనా కామెంట్స్ !!

బాలీవుడ్ నుండి హాలీవుడ్ దాకా సినీరంగంలో కాస్టింగ్ కౌచ్ ఉంద‌ంటూ శ్రీరెడ్డి, గాయత్రి గుప్తా, తనుశ్రీ దత్తా, మాధవీలత వంటి గ్లామర్ హీరోయిన్లు కొందరు మీడియా ముందుకొచ్చి సినీ ఇండ్రస్ట్రీలో తెర చాటున జరుగుతున్న భాగోతాలను బట్టబయలు చేస్తూ.. ఇండ్రస్ట్రీని షేక్ చేసిన సంగతి తెలిసిందే..! తాజాగా ఇదే అంశాన్ని ప్రస్తావిస్తూ.. టాలీవుడ్ లో క్యాస్టింగ్ కౌచ్ వుందని తేల్చి చెప్పింది అందాల తార రెజీనా. ‘మిస్టర్ చంద్రమౌళి’ సినిమా ప్రమోషన్‌ లో భాగంగా ఇండియా గ్లిడ్జ్ కు ఇచ్చిన ఇంటర్వ్యూలో నటి రెజీనా మాట్లాడుతూ…

టాలీవుడ్ లోకి ఎంట్రీ ఇచ్చిన క్రొత్తలో త‌ను కూడా అనేక వేధింపుల‌కు గురయ్యానని, కొందరు సినీ ప్రముఖులు తమ వాంఛలను తీర్చాల‌ని కోరారనీ, తను మాత్రం ఎవ్వరికీ లొంగలేదని, కాస్టింగ్ కౌచ్ అనేది సినీ రంగంలో కామన్ అని తేల్చి చెప్పేసింది. ఇందుకు ఉదాహరణగా తన పర్సనల్ లైఫ్ లో జరిగిన ఓ సంఘటనను వివరిస్తూ.. ఈమధ్య ఓ పబ్లిక్ ఫంక్షన్ కు వెళ్లినప్పుడు ఓ ఆకతాయి తనని తాకరాని చోట తాకి తీవ్రమైన మనోవేదనకు గురి చేసాడని మనోవేదనను వ్యక్తం చేసింది. ఈ సందర్భంగా సినీ రంగంలోకి వచ్చిన అమ్మాయిలు అలాంటివారి నుంచి ఎలా తప్పించుకోవాలో కొన్ని తెలివైన చిట్కాలను కూడా వివరించింది. గతంలో తాను చాలా వీక్‌గా సున్నితంగా ఉండేదాన్ని అని.. సినీరంగంలో తనకెదురైన చేదు అనుభవాల దృష్ట్యా ప్రస్తుతం తాను చాలా టఫ్‌గా తయారయ్యానని ఎలాంటి బాధలనైన భరించేంత స్ట్రాంగ్ గా తయారయ్యానని చెప్పుకొచ్చింది.

తెలుగుతో పాటు తమిళ ఇండస్ట్రీ లోనూ సూపర్‌ హిట్ సినిమాల్లో నటించిన ఈ బ్యూటీ తాజాగా తను ఎదుర్కొన్న వేదింపుల సంఘటనలను వివరించేసరికి ఒక్కసారిగా సోషల్ మీడియా కూడా షేకయ్యింది.