మంచు మనోజ్ తో గొడవలు.. అతడు వేరుగా ఉంటాడంటూ మంచు విష్ణు క్లారిటీ..

తెలుగు సినీ ఇండస్ట్రీలో మంచు ఫ్యామిలీకి ఉన్న హోదా గురించి అందరికీ తెలిసిందే. డైలాగ్ కింగ్ మోహన్ బాబే కాకుండా తన వారసులను కూడా సినీ ఇండస్ట్రీకి పరిచయం చేశాడు. అంతేకాకుండా వారికి ఓ మంచి గుర్తింపును అందించాడు. ఇక మంచు ఫ్యామిలీ నుండి మంచు లక్ష్మి తొలి హీరోయిన్ గా పరిచయం కాగా మనోజ్, విష్ణు లు కూడా హీరోలుగా పరిచయమయ్యారు. ఇక మంచు లక్ష్మి ఎక్కువ కాలం ఇండస్ట్రీలో నిలవలేకపోయిన సంగతి అందరికీ తెలిసిందే. ఇదిలా ఉంటే మంచు మనోజ్ గురించి షాకింగ్ కామెంట్ చేశాడు విష్ణు.

ఇక ఈ కుటుంబం ఏదో ఒక విషయంలో నెట్టింట్లో బాగా వైరల్ గా మారుతూ ఉంటుంది. ఇదిలా ఉంటే తాజాగా విష్ణు చేసిన కామెంట్స్ కూడా బాగా వైరల్ గా మారాయి. ప్రస్తుతం ఈటీవీలో ప్రసారం అవుతున్న రియాలిటీ షో ఆలీతో సరదాగా గురించి అందరికీ తెలిసిందే. ఇందులో ఆలీ హోస్టింగ్ చేయగా.. తాజాగా ఈ షోకు మంచు విష్ణు గెస్ట్ గా పాల్గొన్నాడు. ఇక తన వ్యక్తిగత విషయాల గురించి బాగా పంచుకున్నాడు విష్ణు. ఆలీ అడిగిన ప్రశ్నలకు తెగ సమాధానాలు చెప్పాడు.

ఇక తన తమ్ముడు మంచు మనోజ్ గురించి ఓ విషయాన్ని నేరుగా అడిగాడు ఆలీ. మీ ఇద్దరి మధ్య గొడవలు ఉన్నాయంటూ.. అసలు మీ ఇద్దరికీ దేని వల్ల గొడవలు వచ్చింది.. అసలేం జరిగింది అని ప్రశ్నించాడు. ఇక ఈ ప్రశ్నకు మంచు విష్ణు వెంటనే సీరియస్ అయినట్లు కనిపించాడు. తను వేసుకున్న కోటును విప్పేస్తూ మా పర్సనల్ విషయాలు వాళ్లకి ఎందుకు అంటూ మండిపడ్డాడు.

మా మధ్య ఎటువంటి గొడవలు లేవని క్లారిటీ ఇచ్చాడు. నేను, మా అక్క, మా తమ్ముడు వేరుగా ఉంటున్నాం తప్ప మా మధ్య ఎటువంటి గొడవలు లేవని.. ఎటువంటి పుకార్లకు సమాధానం చెప్పను అంటూ తెలిపాడు విష్ణు.