రమ్యకృష్ణ కారులో భారీగా పట్టుపడ్డ మద్యం… పోలిసుల అదుపులో…!

లాక్ డౌన్ నేపథ్యంలో మద్యం అమ్మకాలపై ఆంక్షలు ఉన్న విషయం తెలిసిందే. ఈ నేపథ్యంలో టాలీవుడ్ సీనియర్‌ నటి రమ్యకృష్ణ కారులో భారీగా అక్రమ మద్యం తరలిస్తూ ఆమె డ్రైవర్ సెల్వకుమార్‌ చెన్నై పోలీసులకు అడ్డంగా దొరికిపోయారు. పుదుచ్చేరి నుంచి చెన్నైకు అక్రమంగా మద్యం బాటిళ్లను తరలిస్తున్నట్టు గుర్తించారు పోలీసులు. సాధారణంగా అన్ని వాహనాలను చెక్ చేస్తున్న సమయంలో రమ్యకృష్ణ కారు కూడా వచ్చింది. కారు చెక్ చేస్తున్న పోలీసులు అందులో భారీగా మద్యం ఉండటంతో కారును వెంటనే సీజ్ చేసి, డ్రైవర్ సెల్వకుమార్ ను అదుపులో తీసుకున్నారు.

పోలీసులు అందించిన వివరాల ప్రకారం రమ్యకృష్ణ కారులో 96 బీర్ బాటిళ్లు, 8 ఫుల్ బాటిళ్ల మద్యం దొరికాయి. మహాబలిపురం నుంచి చెంగల్పట్టుకు వస్తున్న రమ్యకృష్ణకు చెందిన ట‌యోటా ఇన్నోవా క్రిస్టా( టీఎన్‌07క్యూ 0099) కారును పోలీసులు తనిఖీ చేశారు.. ఆ సమయంలో మద్యం బాటిళ్లు దొరకడంతో కారుతో సహా బీరు బాటిళ్లను సీజ్ చేసి డ్రైవర్ ను అదుపులోకి తీసుకున్నారు చెన్నై పోలీసులు. ఆ తరువాత వ్యక్తిగత పూచికత్తుపై డ్రైవర్ సెల్వకుమార్ ను విడుదల చేసినట్టు తెలుస్తోంది. ఈ ఘటనపై ఇప్పటి వరకు రమ్యకృష్ణ స్పందించలేదు. దీనిపై మరింత సమాచారం తెలియాల్సి ఉంది.