ఇంట్రెస్టింగ్ కాన్సెప్ట్ తో ‘ట్యాక్సీ’ టైటిల్ లోగో విడుదల

హరీష్ సజ్జా దర్శకత్వంలో తాజాగా రూపొందుతున్న చిత్రం ట్యాక్సీ. ఈ సినిమాతో త్రివిక్రమ్ శ్రీనివాస్ వద్ద పలు సినిమాలకు దర్శకత్వం శాఖలో పని చేసిన హరీష్ సజ్జా ఈ సినిమాతో దర్శకుడిగా పరిచయం కానున్నాడు. ఇందులో వసంత్ సమీర్ పిన్నమ రాజు, అల్మాస్ మోటివాలా, సూర్య శ్రీనివాస్ , సౌమ్య మీనన్ , ప్రవీణ్ యండమూరి, సద్దాం హుస్సేన్, నవీన్ పండిత ప్రధాన పాత్రల్లో నటిస్తున్నారు.

ఈ సినిమాను హెచ్ అండ్ హెచ్ ఎంటర్టైన్మెంట్స్ బ్యానర్ పై హరిత సజ్జా నిర్మిస్తున్నారు.బిక్కి విజయ్ కుమార్ సహ నిర్మాతగా వ్యవహరిస్తున్నాడు. ఈ సినిమాకు మార్క్ రాబిన్ సంగీతాన్ని అందిస్తుండగా, ఉరుకుండా రెడ్డి సినిమాటోగ్రఫీ అందిస్తున్నారు. ఇక ఆనంద్ పల్లకీ విఎఫ్ఎక్స్ అందిస్తుండగా, తీసి ప్రసన్న ఎడిటర్ గా వ్యవహరిస్తున్నారు.

ఒక వైవిధ్యమైన కథాంశంతో సస్పెన్స్ అండ్ యాక్షన్ థ్రిల్లర్ గా ఈ సినిమా రూపొందుతోంది. ఈ సినిమాలో హై వోల్టేజ్ యాక్షన్ సీక్వెన్స్ లు అలాగే త్రిల్లింగ్ ఎపిసోడ్స్ ఉంటాయని చిత్ర బృందం తెలిపింది. ఈ సినిమా షూటింగ్ శరవేగంగా జరుపుకుంటుంది. తాజాగా ఈ చిత్రానికి టైటిల్ లోగో పోస్టర్ ను ఆవిష్కరించారు.

ఇందులో ఒక గన్ పై కారు ఉంది, అలాగే బ్యాక్ గ్రౌండ్ వైజాగ్ మ్యాప్ కూడా కనిపిస్తోంది. ఈ పోస్టర్ కు ప్రేక్షకుల నుంచి మంచి స్పందన లభిస్తోంది. లవ్ స్టోరీ సినిమాకు ఫైట్స్ కంపోజ్ చేసిన బిజే శ్రీధర్ ఈ సినిమాకు ఫైట్ కంపోజ్ చేస్తున్నారు. ఈ సినిమా కేవలం స్త్రీల సినిమాలు ఇష్టపడే వారికి మాత్రమే కాకుండా అన్ని వర్గాల ప్రేక్షకులకు అలరించే అంశాలతో రూపొందుతోంది. ఈ సినిమాకు సంబంధించిన పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి.