OTT Stars: ఓటీటీలోకి రీ-ఎంట్రీ ఇస్తున్న ఒకప్పటి తారలు.. వారందరికి గొప్ప అవకాశం?

OTT Stars: ఒకానొక సమయంలో ఇండస్ట్రీలో అగ్ర హీరో హీరోయిన్లుగా కొనసాగిన వారందరూ గత కొంతకాలం నుంచి ఇండస్ట్రీకి పూర్తిగా దూరమయ్యారు. ఈ విధంగా ఇండస్ట్రీకి దూరమైన వారందరూ తిరిగి ఇండస్ట్రీలోకి రావడానికి ఓటీటీలు మంచి మార్గాలుగా ఏర్పడ్డాయి. ఈ క్రమంలోనే ఓటీటీల ద్వారా ఎన్నో వెబ్ సిరీస్ లు తెరకెక్కడంతో పెద్ద ఎత్తున సెలెబ్రెటీలందరూ వెబ్ సిరీస్ ల ద్వారా ప్రేక్షకుల ముందుకు వస్తున్నారు.

ఇప్పటికే ఎంతోమంది స్టార్ సెలబ్రెటీలు సైతం వెబ్ సిరీస్ ల ద్వారా ప్రేక్షకులను సందడి చేయగా ఒకప్పుడు ఇండస్ట్రీలో కొనసాగిన కొంతమంది తారలు కూడా వెబ్ సిరీస్లకు కమిట్ అయ్యి ప్రేక్షకుల ముందుకు రావడానికి సిద్ధమయ్యారు.ఈ క్రమంలోనే జయం సినిమాతో ఇండస్ట్రీకి గ్రాండ్ ఎంట్రీ ఇచ్చిన నటి సదా మొదటి సినిమాతోనే ఎంతో మంచి విజయాన్ని అందుకుంది. ఈ సినిమా తర్వాత ఈమె వరుసగా తెలుగు తమిళ సినిమాలలో నటించి గుర్తింపు పొందారు.

ఇలా ఇండస్ట్రీలో అగ్రతారగా ఓ వెలుగు వెలిగిన సదా అనంతరం ఇండస్ట్రీకి పూర్తిగా దూరమయ్యారు. ఇలా ఇండస్ట్రీకి దూరమైన ఈమె బుల్లితెర కార్యక్రమాలలో జడ్జిగా సందడి చేశారు.అయితే ప్రస్తుతం బుల్లితెర కార్యక్రమాలకు దూరమైన సదా పలు వెబ్ సిరీస్ ల ద్వారా ప్రేక్షకుల ముందుకు రావడానికి సిద్ధమయ్యారు. ఇక ఈమె బాటలోనే లయ సైతం ఓటీటీ ద్వారా రీ ఎంట్రీ ఇవ్వడానికి సిద్ధంగా ఉన్నట్లు తెలుస్తోంది.

OTT: ఈసారైనా క్లిక్ అవుతారా…

ఇకపోతే టాలీవుడ్ ఇండస్ట్రీలో దర్శకుడిగా ఎంతో మంచి పేరు సంపాదించుకున్న ఈవివి సత్యనారాయణ కుమారుడిగా ఇండస్ట్రీలో ఎన్నో సినిమాలలో నటించిన ఆర్యన్ రాజేష్ కొంతకాలం నుంచి ఇండస్ట్రీకి దూరమయ్యారు అయితే ఈయన బోయపాటి శ్రీను దర్శకత్వంలో రామ్ చరణ్ హీరోగా వచ్చిన వినయ విధేయ రామ సినిమాలో నటించిన పెద్దగా గుర్తింపు రాలేదు. అయితే ప్రస్తుతం ఈయన కూడా వెబ్ సిరీస్ ద్వారా ప్రేక్షకుల ముందుకు రావడానికి సిద్ధమయ్యారు