ఆధార్ కార్డులో సమస్యలున్నాయా.. పరిష్కారానికి కాల్ చేయాల్సిన నంబర్లివే..?

మన దేశంలోని ప్రజలకు అత్యవసరమైన కార్డులలో ఆధార్ కార్డ్ ఒకటనే సంగతి తెలిసిందే. ఆధార్ కార్డ్ ఉంటే మాత్రమే దేశంలో, రాష్ట్రాల్లో అమలవుతున్న అనేక పథకాలకు అర్హత పొందవచ్చు. ఆధార్ కార్డు భారతదేశంలోని ప్రజలకు గుర్తింపు కార్డుగా కూడా ఉపయోగపడుతుంది. అయితే దేశంలోని చాలామంది ప్రజలు ఆధార్ కార్డు చేయించుకున్న సమయంలో ఎంట్రీలో జరిగిన పొరపాట్ల వల్ల ఇబ్బందులు పడుతూ ఉంటారు.

ఆధార్ కార్డుల్లో మార్పులుచేర్పులు చేయించుకోవాలని ఉన్నా ఎక్కడ చేయించుకోవాలో సరైన అవగాహన లేకపోవడం వల్ల సమస్యలు ఎదుర్కొంటూ ఉంటారు. సంక్షేమ పథకాల అమలులో ఆధార్ కార్డ్ కీలక పాత్ర పోషిస్తూ ఉండటంతో ఆధార్ కార్డులో తప్పులు ఉంటే కొన్నిసార్లు అర్హులైనా పథకాలకు అర్హత పొందలేకపోతూ ఉంటాం. ఆదాయపు పన్ను శాఖ రిటర్నులు దాఖలు చేయాలన్నా ఆధార్ కార్డ్ తప్పనిసరి.

ఆధార్ కార్డులో ఏవైనా సమస్యలు ఉంటే 1947 నంబర్ కు కాల్ చేసి ఆ సమస్యలకు తగిన పరిష్కారాన్ని పొందవచ్చు. వారంలో ప్రతిరోజూ ఈ సర్వీసులు అందుబాటులో ఉండటంతో కాల్ చేసి సమస్యకు పరిష్కారం పొందవచ్చు. తెలుగు భాషలో కూడా సర్వీసులు అందుబాటులో భాష సంబంధిత సమస్య వల్ల ఇబ్బంది పడాల్సిన అవసరం ఉండదు. యూఐడీఏఐ ట్విట్టర్ వేదికగా ఈ విషయాలను వెల్లడించింది.

సోమవారం నుంచి శనివారం వరకు ఉదయం 7 గంటల నుంచి రాత్రి 11 గంటల వరకు ఆదివారం రోజున ఉదయం 8 గంటల నుంచి సాయంత్రం 5 గంటల వరకు ఈ సర్వీసులను పొందే అవకాశం ఉంటుంది.