Un Stoppable 2: శృతి నేను హాట్ పెయిర్ ఆఫ్ ఏపీ… అన్ స్టాపబుల్ షోలో బాలయ్య షాకింగ్ కామెంట్స్!

Un Stoppable 2: బాలకృష్ణ వ్యాఖ్యాతగా అన్ స్టాపబుల్ కార్యక్రమాన్ని ఎంతో విజయవంతంగా ముందుకు తీసుకెళుతున్న సంగతి మనకు తెలిసిందే. ఇప్పటికే ఈ కార్యక్రమం మొదటి సీజన్ మంచి విజయం అందుకోవడంతో రెండవ సీజన్ కూడా అంతకుమించి అనేలా ఆదరణ సంపాదించుకుంటుంది. ఇకపోతే ఈ కార్యక్రమంలో సీనియర్ నటీమణులు అయినటువంటి జయసుధ, జయప్రదలతో కలిసి యంగ్ హీరోయిన్ రాశి ఖన్నా కూడా హాజరయ్యారు.

తాజాగా ఈ కార్యక్రమానికి సంబంధించిన ప్రోమో విడుదలైంది. ఈ ప్రోమోలో బాలయ్య ఈ ముగ్గురు హీరోయిన్లతో కలిసి ఓ రేంజ్ లో రచ్చ చేశారని తెలుస్తోంది.ఇక ఈ కార్యక్రమానికి సంబంధించిన పూర్తి ఎపిసోడ్ నేడు మధ్యాహ్నం ప్రసారం కానుంది.ఈ ప్రోమోలో భాగంగా బాలకృష్ణ హీరోయిన్లతో కలిసి డాన్స్ లు వేయడమే కాకుండా ఇండస్ట్రీ గురించి కూడా పలు ఆసక్తికరమైన విషయాలను తెలియచేశారు.

ఇక ఈ ప్రోమోలో నటి రాశి కన్నా ఊహలు గుసగుసలాడే సినిమా నుంచి ఏ సందేహం లేదు అనే పాట ఆలపించి అందరిని సందడి చేశారు. ఇక రాశి ఖన్నా నవ్వుకు తాను పడిపోయాను అంటూ బాలయ్య మాట్లాడారు.ఇక ఈ కార్యక్రమంలో భాగంగా ఈయన నటి శృతిహాసన్ గురించి మాట్లాడుతూ నేను శృతిహాసన్ హాట్ ఫెయిర్ ఆఫ్ ఏపీ అంటూ సంచలన వ్యాఖ్యలు చేశారు.

Un Stoppable 2: వీర సింహారెడ్డి సినిమా ద్వారా ప్రేక్షకుల ముందుకు రానున్న బాలయ్య.

బాలయ్య ఇలా మాట్లాడటంతో జయసుధ జయప్రద ముఖ కవళికలు కూడా మారిపోయాయి. ఇక శృతిహాసన్ బాలకృష్ణ గోపీచంద్ మలినేని దర్శకత్వంలో వీర సింహారెడ్డి సినిమా ద్వారా ప్రేక్షకుల ముందుకు రావడానికి సిద్ధమయ్యారు. ఈ సినిమా సంక్రాంతి కానుకగా విడుదల కానుంది. ఇక ఈ కార్యక్రమంలో భాగంగా బాలకృష్ణ ఈ హీరోయిన్లను కొన్ని ప్రశ్నలు అడుగుతూ సమాధానాలు రాబట్టారు. మొత్తానికి ఈ ముగ్గురు భామలతో కలిసి బాలయ్య రచ్చ ఓ రేంజ్ లో ఉంటుందని మాత్రం ప్రోమో చూస్తేనే అర్థమవుతుంది.