వామ్మో…21 పాములను కట్నంగా ఇచ్చిన మామ.. చివరికి ఏం జరిగిందంటే?

సాధారణంగా మనం అమ్మాయికి పెళ్లి చేయాలంటే లక్షలకు లక్షలు కట్నకానుకలు ఇచ్చి పెళ్లిళ్లు చేస్తుంటాము.అదేవిధంగా మరికొందరు వస్తు రూపంలో తమ అల్లుడికి కట్న కానుకలను సమర్పిస్తుంటారు. అదే విధంగా దేశంలో వివిధ రాష్ట్రాల వారు పాటించే ఎన్నో వింత ఘటనలను, ఆచారాలను మనం చూస్తూ ఉంటాం అలాంటి ఓ ఆసక్తికర ఘటన మధ్యప్రదేశ్ రాష్ట్రంలో చోటుచేసుకుంది వివరాల్లోకి వెళితే..

మధ్య ప్రదేశ్ రాష్ట్రానికి చెందిన ఒక వ్యక్తి తన కూతురు వివాహాన్ని కట్న కానుకలు ఇచ్చి ఘనంగా వివాహం జరిపించారు.ఇందులో ఏముంది వింత అనుకుంటున్నారా.. వధువు తండ్రి వరుడికి కట్నంగా తన కూతురి పెళ్లిలో 21 విష సర్పాలను కట్నంగా ఇచ్చాడు.మామగారు ఇచ్చిన 21 సర్పాలను వరుడు సంతోషంగా స్వీకరించాడు. ప్రస్తుతం ఈ ఘటన సోషల్ మీడియాలో వైరల్ గా మారింది.

మధ్యప్రదేశ్‌ రాష్ట్రంలోని గొరియా తెగకు సంబంధించిన చిత్రమైన ఆచారం గురించి తెలుసుకోవల్సిందే. వీరి వివాహ సమయంలో పెళ్లి కుమారునికి కట్నంగా విలువైన నగదు, డబ్బులు,వస్తువులకు బదులుగా బతికున్న విషసర్పాలను వరుడికి కట్నంగా అందిస్తారు. పాములనే కట్నంగా ఎందుకు ఇవ్వాలి అనేగా మీ సందేహం.

గొరియా తెగల ఆచారం ప్రకారం పెళ్లి పవిత్రతను పాములు కాపాడేందుకు సహకరిస్తాయనేది వీరి నమ్మకం. పైగా వాళ్ల ముఖ్య వృత్తి కూడా పాములను పట్టుకోవడం. దీంతో వారికి పాములంటే భయం ఉండదు. పైగా అవి వాటికి సులభంగానే దొరికేస్తాయి కూడా. ముఖ్యంగా ఈ తెగలో యువతికి పెళ్లంటే చాలు ఆ కుటుంబమంతా పాములను పట్టుకోవడానికి సాహసం చేయాల్సిందే మరీ.ఇటీవల జరిగిన ఓ పెళ్లిలో వధువు తండ్రి వరుడికి 21 పాములను కట్నంగా ఇవ్వడంతో ఈ విషయం సోషల్ మీడియాలో మరోసారి వైరల్ గా మారి అందరిని ఆకర్షిస్తోంది.